Kizito Mihigo agiye gusohora indirimbo ye ya mbere nyuma yo gufungurwa

4 8-11-2018 - saa 11:59, IGIHE

Umuhanzi Kizito Mihigo yatangaje ko mu minsi ine, araba yashyize hanze indirimbo ye ya mbere nyuma yo gufungurwa ku mbabazi za Perezida wa Repubulika.

Ku wa 14 Nzeri nibwo uyu muhanzi wanditse izina rikomeye muri muzika kubera ubuhanga buba mu bihangano bye, yasohotse muri Gereza ya Nyarugenge yari amazemo imyaka ine n’amezi atandatu.

Yari afungiye ibyaha birimo kugambirira kugira nabi ubutegetsi na Perezida wa Repubulika. Ubwo yaburanaga, yemeye ibyaha yashinjwaga byose anabisabira imbabazi, urukiko rumuhanisha imyaka icumi y’igifungo gusa aza gusohoka muri gereza ahawe imbabazi na Perezida.

Mu kiganiro na IGIHE, yatangaje ko kuri uyu wa Mbere tariki ya 12 Ugushyingo 2018, azageza ku banyarwanda indirimbo ye ya mbere nyuma yo gusohoka muri Gereza.

Uyu muhanzi yavuze ko adashaka gutangaza izina ryayo n’ubutumwa bukubiyemo mbere y’uko isohoka gusa ashimangira ko izanogera abakunda ibihangano bye.

Mu kiganiro yagiranye na IGIHE nyuma y’ibyumweru bibiri avuye muri gereza, yavuze ko uyu mwaka uzarangira asohoye indirimbo, aca amarenga ko ishobora kuzaba isingiza Imana

Ati “Nshobora gusohora album y’indirimbo zihimbaza Imana. Ndifuza gukora ibitaramo byo gushima Imana nkongera kwifatanya n’abakirisitu bakunda ibihangano byanjye. Ndateganya ko nanasohora indi ndirimbo y’ubuzima rusange. Indirimbo z’Imana nzandika ndizera ko zizashimisha benshi.”

Nyuma y’ifungurwa rye, ku mbuga nkoranyambaga hagiye hakwirakwira abantu bahererekanya indirimbo bavuga ko ari izo yahise ashyira hanze.

Yavuze ko ari ‘iza kera babeshyaga ko ari nshya. Ubu nibwo ngiye gusohora indirimbo ya mbere kuva nasohoka mu buroko’.

Yakomeje avuga ko ahangayikishijwe n’abamwiyitirira ku mbuga nkoranyambaga, bagakwiza ibihuha, ndetse ko agiye kugeza izo mpungenge ku nzego z’umutekano bireba.

Ati “Nkoresha imbuga nkoranyambaga nanjye. Yaba twitter , facebook, Instagram na site.”

Kizito Mihigo agiye gusohora indirimbo ye ya mbere nyuma yo gufungurwa
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
theotime sinayiguriye 2018-11-11 17:36:17

Yego rwose kizito mihigo ongera ushibuke uzabe igiti cyinganza marumbo ya numa

2
mugabo daniel 2018-11-09 11:07:40

rwose nagire vuba kuko turamukunda cyane , indirimbo za kizito ziranyubaka cyane !

3
Williams 2018-11-09 00:01:36

It will be of a great inspiration one as the previous ones .

4
Gumyusenge Jean Damascene 2018-11-08 08:31:28

Twiteguye kwakira iyondirimbo neza nkabakunzibe kd twizeyeko izadushimisha.

Kwamamaza