IGIHE

Jay Polly yasohoye indirimbo ya gatatu iri mu zigize album yandikiye muri gereza

2 10-06-2019 - saa 20:40, Uwiduhaye Theos

Umuraperi Tuyishime Joshua wamamaye nka Jay Polly uri no mu bagize itsinda rya Tuff Gangz yashyize hanze indirimbo ya gatatu nyuma yo kuva muri gereza, yise Nyirizina.

Iyi ndirimbo y’uyu muhanzi yagiye hanze ku gicamunsi cyo kuri uyu wa Mbere, amajwi yayo yakozwe na Li John The Real Beat muri The Mane Records naho amashusho afatwa na Iba Lab.

Muri nyikirizo y’iyi ndirimbo Jay Polly aba yivuga nk’umuhanzi wavugiye rubanda kuva kera agitangira umuziki.

Ati “Ninde ubayoboye? Yoshua, ubaha ibyo bakeneye, Kabaka, Kabaka. Kuva ku bwa kera kugeza na n’ubu avugira rubanda. Uwo bakeneye[..]”

Mu bitero by’iyi ndirimbo Jay Polly avuga uko yaje mu muziki, bamwe bafite inzozi ngufi ariko afite inzozi zo kuzagera kure mu rugendo rwe rw’umuziki areba kure.

Iyi ndirimbo ije ikurikira izindi ndirimbo uyu muhanzi yakoze akiva muri Gereza zirimo iyo yashyize hanze bwa mbere yise ‘Umusaraba wa Joshua’ yagiye hanze hashize ibyumweru bibiri avuye mu gihome, yavugaga ku buzima bw’ifungwa rye. Iyi yakurikiwe n’iyo yise ‘Inshuti Nyazo’ yagiye hanze muri Mata.

Izi ndirimbo zose ziri kuri album uyu muhanzi yise ‘Umusaraba wa Joshua’.

Ku wa 4 Kanama 2018 nibwo Jay Polly yafashwe akurikiranyweho gukubita umugore we, ku wa 24 Kanama 2018 akatirwa n’Urukiko rw’Ibanze rwa Gasabo igifungo cy’amezi atanu, nyuma yo guhamywa icyaha cyo gukubita no gukomeretsa umugore we akamukura amenyo.

Yafunguwe mu gitondo cyo ku wa 1 Mutarama 2019 azana ingamba nshya zirimo kureka ibiyobyabwenge.

Uyu muhanzi yasohokanye ubuhamya bukomeye burimo indirimbo zigize album yandikiye mu buroko, yise ‘Umusaraba wa Joshua’ arimo gukoraho muri iki gihe.

Jay Polly yashyize hanze indirimbo ya gatatu iri mu zigize album yandikiye muri gereza
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
andrew 2019-06-11 07:53:28

tanks for news

2
Nova 2019-06-10 15:45:34

Ubundi uyu niwe muhanzi ukunzwe mu Rwanda nuko harabatemera

Kwamamaza