IGIHE

Ishimwe rya Umutare Gaby ku mwana yabyariye muri Australie

1 13-06-2019 - saa 08:56, Uwiduhaye Theos

Umuhanzi Umutare Gaby wamenyekanye cyane mu ndirimbo ziganjemo iz’urukundo, yibarutse imfura umwaka ushize abigira ubwiru bukomeye ariko ubu yashyize hanze ifoto ya mbere ye ayiherekesha amashimwe.

Uyu muhanzi ubusanzwe witwa Nikuze Gabriel we n’umugore Joyce Nzere muri Kamena 2018 bibarukiye umwana wabo w’imfura w’umukobwa muri Australie aho basanzwe baba, banga kubishyira hanze ndetse no mu itangazamakuru ntibyamenyekana.

Bibarutse hashize iminsi muri Gashyantare uwo mwaka batangaje ko bari hafi kwakira umwana ariko ntihagira ikindi barenzaho.

Icyo gihe Gaby yashyize ifoto ku rubuga rwa Instagram, yandikaho amagambo agaragaza amashimwe akomeye yaturaga Imana. Yagiraga ati “Imitima yacu irakunezerewe uhoraho. Ukomeze kuduha ubwenge.”

Kuri uyu wa Gatatu yashyize ifoto y’imfura ye ndetse n’umugore we ku rukuta rwa Instagram arangije yandika amagambo yo gushima Imana.

Ati “Uwiteka yadukoreye ibikomeye. Uwiteka ni wowe ukwiye ishimwe. Imitima yacu irakunezererewe.”

Umutare na Nzere bahamije isezerano ry’urukundo rwabo ku wa 16 Nyakanga 2017. Ubu babana muri Leta ya New South Wales iherereye mu Majyepfo y’Uburasirazuba bwa Australie mu Mujyi wa Goulburn.

Uyu muhanzi yamenyakanye mu ndirimbo zirimo ‘Ntukangure’, ‘Mesa kamwe’, ‘Ntawundi’, ‘Ayo bavuga’, ‘ Urangora’ n’izindi nyinshi zirimo nizo yagiye akorana n’abandi bahanzi nka Buravan. Kuva yatangira umushinga w’ubukwe bwe, yatangiye kwitarutsa iby’umuziki.

Aheruka gushyira hanze indirimbo mu 2016, yitwaga ‘True Love’

Umutare Gaby yerekanye umwana we yibarutse umwaka ushize
Umutare Gaby n'umugore bamaze umwaka bibarutse imfura yabo y'umukobwa
Umutare na Nzere basezeranyijwe na Pasiteri Dr.Rusine Joshua wahoze mu Itorero ry’Abadiventisiti akaza kurivamo
Umutare Gaby na Joyce Nzere babana muri Australie
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
sezikeye 2019-06-13 03:06:43

Mu bintu bidushimisha cyane Imana yaduhaye,harimo ubukwe no kubyara.Byombi ni IMPANO y’Imana. Gusa tugomba kwibuka ko Imana ishaka ko Umugore n’Umugabo "baba umubiri umwe" nkuko Intangiriro 2:24 havuga.Ikibabaje nuko ababyubahiriza ari bake.Benshi bacana inyuma,bararwana,baricana,ndetse bagatandukana.Ikibabaje nuko amadini amwe avuga ngo Imana yemera Polygamy (gutunga abagore benshi).Ntabwo aribyo kubera ko bitera ibibazo mu ngo kandi Yesu yarabitubujije.Turamutse twumviye amategeko y’Imana,isi yaba nziza cyane.Gereza,kurwana,intambara,kwiba,ndetse na Police byavaho kubera ko abantu baba bakora ibyo Imana idusaba.Kubera ko abantu bananiye Imana kuva na kera,yashyizeho umunsi wa nyuma kugirango izakure mu isi abakora ibyo itubuza,isigaze gusa abantu bayumvira.Byisomere muli Imigani 2 imirongo ya 21 na 22.

Kwamamaza