IGIHE

Igor Mabano yashyize hanze indirimbo iri mu njyana ivanzemo iy’Abahinde

1 16-09-2019 - saa 21:59, Uwiduhaye Theos

Igor Mabano uri mu bahanzi bahagaze neza muri iki gihe, yashyize hanze indirimbo yise ‘Urakunzwe’ iri mu njyana zivanzemo iya Kinyarwanda n’indi imenyerewe mu Bahinde cyangwa Abarabu.

Mu kiganiro yagiranye na IGIHE, Mabano yavuze ko igitekerezo cyayo cyavuye ku muntu ushobora kuba atabonera umwanya umukunzi we cyangwa uwifuza gutereta.

Ati “Ni ukuba ukunzwe n’umuntu runaka, cyane cyane bibaho mu muryango nyarwanda ugasanga ntabwo ufite umwanya uhagije wo kuganira nawe ariko ukaba ushobora kumuha ubutumwa umubwira ngo ’uryame wiyorose umenye ko dukundana, aho uri umenye ko ukunzwe nanjye ndagukunda ndagutekereza’.”

Yakomeje ati “Ni abantu bakundana ariko igihe kikaba kitabakundira cyangwa se akaba ari umuntu ushaka gutereta undi akamubwira ngo ubyange ubyemere ngukunda kubi.”

Iyi ndirimbo ni iya gatandatu kuri album Igor Mabano ateganya kuzashyira hanze mu minsi iri imbere. Amashusho yayo yafatiwe i Mombasa na Pose Films naho amajwi akorwa na Ishimwe Clement.

Igor Mabano yakoze indirimbo nyinshi zakoze ku mitima ya benshi zirimo ‘Dear Mashuka’, ‘Iyo Utegereza’, ‘Gake’ yakoranye na Nel Ngabo, ‘Back’ n’izindi.

Uyu muhanzi ari kwitegura gusohora album ye ya mbere, ku buryo uyu mwaka warangira ibijyanye nayo birangiye, gusa ntaramenya umubare w’indirimbo zizajyaho.

Reba amashusho ya ‘Urakunzwe’ indirimbo nshya ya Igor Mabano

Amashusho y'iyi ndirimbo Igor Mabano yayakoreye muri Kenya
Igor Mabano ari mu bahanzi bari kwigaragaza mu muziki
Igor Mabano ni umwe mu bahanzi bafite ubuhanga bufatika mu muziki
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
babel nim 2019-09-17 01:29:42

we na Nel Ngabo bahaye kina music isura nshya

Kwamamaza