Ibirori bya ‘Dîner en Blanc’ byongeye gutegurwa i Kigali

2 10-08-2018 - saa 12:12, Munyengabe Murungi Sabin

Mu Mujyi wa Kigali hagiye kongera kubera ibirori ngarukamwaka byitabirwa n’abambaye ibyera gusa, kuri iyi nshuro ya Gatandatu bizabera i Kigali tariki ya 11 Kanama 2018.

Ubusanzwe ibi birori bya ‘Dîner en Blanc’ bibera ahantu h’ibanga hatangazwa gusa ku munsi nyir’izina, nabwo ababyitabiriye babimenya ari uko bamaze kuhagera.

Mu mwaka ushize wa 2017 ababitegura biciye muri Illume Creative Studio ntibabikoze mu gihe ibiheruka byabaye ku itariki ya 23 Nyakanga 2016 muri Camp Kigali.

Dîner en Blanc ni ibirori byabaye ku nshuro ya mbere i Paris mu Bufaransa mu myaka igera kuri 30 ishize, ubwo uwitwa Francois Pasquier yasubiraga iwabo mu Bufaransa nyuma yo kumara imyaka myinshi mu mahanga atabona inshuti ze zo mu bwana n’abavandimwe.

Kigali ni wo Mujyi wa mbere wateguriwemo ndetse unizihirizwamo Dîner en Blanc ku Mugabane w’Afurika, kuwa 11 Nyakanga 2012.

Abitabira ibi birori mu Rwanda biyandikisha mbere y’umunsi nyir’izina ndetse bakanahabwa nomero y’ameza buri wese azicaraho gusa ahantu bizabera hakomeza kugirwa ibanga kugeza ku munsi wa nyuma.

Ibyerekeye kwiyandikisha uyu mwaka byarangiye ku itariki ya 4 Kanama 2018 gusa, ubuyobozi bwa Illume Creative Studio bwavuze ko ‘hakiri amahirwe ku bashaka kubyitabira kuko bemerewe gukomeza gutanga imyirondoro’ bagahita bamenyeshwa niba hakiri imyanya.

Uwitabira ibi birori wese agomba kwishyura amafaranga y’u Rwanda 20,000 ubundi akaniyandikisha kuri restaurants zizatanga ibiribwa n’ibinyobwa bizakoreshwa uwo munsi.

Nta muntu wemerewe kwitabira ibi birori atujuje imyaka 21 y’ubukure ndetse uwitabira wese ategetswe kwambara imyenda year de kuva ku nkweto kugeza ku mutwe, ubirenzeho ntiyemererwa kwinjira.

Abitabira ibirori bose batwarwa muri bus ziba zateguwe bagatwarwa mu buryo bwa rusange berekeza aho ibirori bibera, iyo uje witwaye mu modoka yawe bwite nabwo usubizwa inyuma.

Ibi birori bimaze kuba inshuro eshanu mu Rwanda, mu 2012 byabereye i Gacuriro , Giporoso (2013), Kagugu (2014), Stade Amahoro (2015) mu gihe ubuheruka byabereye muri Kigali Conference and Exhibition Village (KCEV) mu 2016.

Mu nshuro zose imaze kuba, yagiye ihuruza abakerarugendo bo mu bihugu birimo Uganda, Burundi, Kenya, Ivory Coast, South Africa), and from the world (Canada, Switzerland, Belgium, France, Australia, u Buhondali, USA n’ahandi.

Kugeza ubu, Dîner en Blanc,ibera mu mijyi 70 irimo Paris, New York, Sydney, Tokyo, London, Los Angeles, Kigali, Chicago, Philadelphia, Melbourne, Johannesburg, Singapore, Toronto, Vancouver, Montreal n’ahandi.

Amwe mu mafoto y’uko ibi birori byagenze mu gihe gishize

Muri ibi birori abantu bahuza urugwiro, bagahana ibitekerezo, bakaganira ibyunguka, bakamenyana ndetse bakidagadura
Umuteguro wo ku meza ni abayicaraho bawukora mu mabara yera
Mu mwaka wa 2015, ibi birori byabereye kuri Stade Amahoro
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Vince B Landau 2018-08-10 10:44:53

Harya umujyi was Haiti uba mu kihe gihugu?

2
KARERA 2018-08-10 06:36:57

MUBA MUHAZE SHA

Kwamamaza