IGIHE

Umunyamakuru Phil Peter yahinduye umuvuno nyuma yo gushyira hanze indirimbo yitwa ‘Bombe’

0 17-09-2019 - saa 07:48, Nsengiyumva Emmy

DJ Phil Peter umaze kwandika izina mu ruganda rw’imyidagaduro mu Rwanda, yahinduye uburyo bw’imikorere aho we na mugenzi we witwa DJ Lenzo bashyize indirimbo hanze indirimbo ya kabiri bahuriyemo n’abandi bahanzi.

Phil Peter ni umunyamakuru wa Radio Isango Star, umushyushyarugamba ndetse n’umu DJ umaze kumenyekana mu Rwanda.

Kuri ubu yashyize hanze indirimbo ya kabiri yakoranye na mugenzi we DJ Lenzo bakunze gukorana bya hafi no mu gucuranga mu bitaramo cyangwa mu tubyiniro tunyuranye.

Imikoranire y’aba bombi muri iyi minsi ituma hari abatekereza ko baba barakoze itsinda, Phil Peter asubiza IGIHE kuri iki kibazo ntiyemeye cyangwa ngo ahakane ibyo kuba barakoze itsinda.

Ati “Ibyacu birenze itsinda, twe turi umuntu umwe.” Abajijwe niba batarigeze batekereza ko bakora itsinda yavuze ko batarabiganiraho.

Aba basore bavanga imiziki mu minsi ishize bakoranye indirimbo bise “Akuka” irimo na Sintex. Kuri ubu bakurikijeho iyo bise “Bombe” bakoranye na Aime Bluestone.

Peter yavuze ko bahisemo kujya bakora indirimbo kugira ngo batange umusanzu wabo mu kubaka umuziki w’u Rwanda bafasha abahanzi bafite impano gukorana indirimbo ziri ku rwego rwiza ndetse zikanamamazwa ku buryo umuhanzi ashobora kubyungukiramo byoroshye.

Yongeyeho ko ariyo mpamvu bahisemo gukorana na Aime Bluestone na Sintex nk’uburyo bwo kubafasha.

Ikindi Phil Peter yatangaje kiri gutuma bakora umuziki ngo ni ukugira ngo batange urugero ku ndirimbo abahanzi bakora zigacurangwa mu tubyiniro.

Muri gahunda aba basore bafite Phil Peter yavuze ko batangiye gukora Album yabo ya mbere izaba yarangiye bitarenze umwaka utaha wa 2020.

Iyi ndirimbo nshya DJ Phil Peter na DJ Lenzo bafatanyije na Aime Bluestone “Bombe” yakozwe mu buryo bw’amajwi na Iyzo Pro mu gihe amashusho yayo yo yakozwe na Julien Bmjizzo.

Dj Lenzo na DJ Phil Peter bafata amashusho y'indirimbo "Bombe"
Dj Lenzo na Aime Bluestone
Dj Phil Peter, Dj Lenzo na Aime Bluestone mu ifatwa ry'amashusho y'iyi ndirimbo 'Bombe'

REBA HANO INDIRIMBO NSHYA DJ PHIL PETER& DJ LENZO BAKORANYE NA AIME BLUESTONE

Kwamamaza
Kwamamaza

Izindi nkuru wasoma

0 29 21-10-2019
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza