IGIHE

Bruce Melodie yashyize hanze indirimbo ye nshya “Katerina” yitiriye umugore we

2 16-09-2019 - saa 09:59, Nsengiyumva Emmy

Bruce Melodie umaze gushinga imizi mu mitima y’abakunzi b’umuziki w’u Rwanda, yashyize hanze indirimbo nshya yise ‘Katerina’ yitiriye umugore we.

Melodie yari amaze igihe adashyira hanze indirimbo ye bwite, yari akunze kumvikana mu ndirimbo yakoranye n’abandi by’umwihariko ababaga bamwiyambaje.

Iyi ndirimbo nshya yumvikanamo amagambo y’urukundo iririmbye mu ndimi ebyiri; Ikinyarwanda gike n’icyongereza.

Mu kiganiro yagiranye na IGIHE, Bruce Melodie yemeye ko iyi ndirimbo yayitiriye umugore we n’ubusanzwe witwa “Catherine”, icyakora yongeyeho ko nubwo yayimwitiriye yayikoreye Abanyarwanda muri rusange.

Muri Nyakanga 2014 nibwo byatangiye kuvugwa ko Bruce Melodie afite umukobwa bakundana ndetse babana nk’umugore n’umugabo.

Uyu muhanzi yaje kwerura arabyemera ndetse atangira no gushyira hanze amafoto bari kumwe ariko agakunda kumuhisha ntamugaragaze neza.

Bruce Melodie na Catherine bamaze kunguka imfura yabo bise Britta.

Mu rwego rwo guhisha umugore we mu itangazamakuru ubwo yegukanaga Primus Guma Guma Super Star uyu muhanzi yamushimiye amwita ‘Mama Britta’.

Yavuze ko amashusho y’iyi ndirimbo nayo yamaze kurangira bityo ngo ntabwo ari buyatinze. Iyi ndirimbo igiye hanze ikurikira iyo yaherukaga gukora yise ‘Blocka’.

Iyi ndirimbo mu buryo bw’amajwi yakozwe na MadeBeat.

Iyi ni imwe mu mafoto ya Bruce Melodie n'umugore we Catherine yifashishijwe muri Lyrics Video y'iyi ndirimbo yashyize hanze

UMVA HANO IYI NDIRIMBO NSHYA YA BRUCE MELODIE “KATERINA”

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
sakin 2019-09-18 03:27:32

Ese uwo mugore aba amuhishiriki? Ahaaa nibizoroha

2
Kopa 2019-09-16 03:15:44

uyu mu type n’umuhanga mbona azi ibyo akora, mwifurije gutera imbere

Kwamamaza