Akimana ukomoka mu Rwanda yabuze ikamba muri Miss Suisse Francophone

0 12-06-2018 - saa 08:46, Munyengabe Murungi Sabin

Akimana Fanny, umukobwa ukomoka mu Rwanda yabuze amahirwe mu irushanwa amaze iminsi ahatanira rya Nyampinga w’u Busuwisi ryahuje abavuga ururimi rw’Igifaransa mu mwaka wa 2018.

Umukobwa witwa Amelia Giannarelli yagizwe Nyampinga w’u Busuwisi mu bavuga Igifaransa mu gihe umusore witwa Sébastien Saillard ari we wabaye rudasumbwa mu birori byabaye kuwa Gatandatu tariki ya 9 Kamena 2018 ahitwa Montreux.

Akimana Fanny wari waserukiye u Rwanda yabuze umwanya mu bihembo byose byatanzwe. Uyu mukobwa afite imyaka 21 y’amavuko akareshya na 179cm, ni umunyeshuri muri Kaminuza ya Lille mu Bufaransa yari yizeye gutsinda ndetse yaherekejwe na bake mu Banyarwanda batuye mu Busuwisi muri uyu muhango.

Amelia Giannarelli w’imyaka 20 y’amavuko, yastindiye iri kamba ahigitse abakobwa bagenzi be 24 bashakishwagamo uwari ukwiriye kwambikwa ikamba rya Miss Suisse Francophone 2018. Ni we wasoje irushanwa ari uwa mbere mu bakunzwe cyane biciye kuri internet, ni nawe wahawe amanita meza n’akanama nkemurampaka.

Amelia Giannarelli yabwiye ikinyamakuru Le matin ko mu byamufashije gutsinda harimo ubumenyi n’inararibonye afite mu byerekeye amahoteli n’ubukerarugendo yakuye mu ishuri rya École hôtelière de Lausanne.

Yagize ati “Aho nibona mu myaka icumi? Nibyo ndibona kure, ndanahamya ko natsinze kubera ubumenyi naguye mu byerekeye amahoteli n’ibyo nize muri École hôtelière de Lausanne. Ndifuza kandi kugira abana, bibaye byiza nazagira nka babiri.”

Akimana akomoka mu Rwanda akagira umubyeyi w'Umunyaburayi

Mu gihe uyu mukobwa azamarana ikamba, azaserukira u Busuwisi muri Supranational izabera muri Pologne mu mpera z’umwaka wa 2018 mu gihe mugenzi we Sébastien Saillard ukomoka mu Bufaransa azaserukira iki gihugu muri Mister International izabera muri Aziya.

Akimana wahagarariye u Rwanda muri Miss Suisse Francophone
Sébastien Saillard ni we wabaye rudasumbwa
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza