IGIHE

Abarindiye umutekano Diamond Platnumz i Kigali batangariwe

12 17-08-2019 - saa 15:47, Uwiduhaye Theos

Abasore b’ibigango bagize itsinda rya B-KGL batangaje benshi kubera imyambarire bagaragaje mu gihe bari barindiye umutekano Diamond Platnumz ugiye gukorera igitaramo mu Rwanda.

Uyu muhanzi yageze i Kigali mu gitondo cyo ku wa Gatanu tariki 16 Kanama aherekejwe n’itsinda rimufasha ndetse n’umurinzi we.

Ku kibuga cy’indege i Kanombe yasanganiwe n’itangazamakuru ritandukanye ryo mu Rwanda by’umwihariko ariko hari n’abasore basanzwe bakora akazi ko kurindira umutekano abahanzi mu Rwanda, bagize itsinda rya B-KGL.

Imyambarire y’aba basore bagize B-KGL yatangariwe na benshi ku mbuga nkoranyambaga bayita ibikabyo.

Uwiyise Simple kuri Twitter yakongeje umuriro kuri uru rubuga ubwo yafataga amashusho Diamond yashyize ku rukuta rwe agaragaza ko yageze mu Rwanda. Simple yanditse ati “Abantu b’abasivile barakabya”.

Mu bitekerezo byinshi byatanzwe kuri iyi nyandiko ye yo kuri Twitter bagaragazaga ko batangajwe n’imyambarire y’aba basore, uwitwa Kamikazi we ati ‘muri iyo mifuka haba harimo biscuits [biswi] aho kubamo imbunda nto za pistol nk’abandi’.

Zuba nawe ati “Gukabya gusa se? Ibi tubishakire irindi zina kuko birarenze.”

Aba basore ba B-KGL bari bambaye mu buryo busa nk’ubw’abasirikare bafite n’ibyombo n’utundi dukoresho twifashishwa n’abarinda umutekano w’igihugu.

Diamond ategerejwe mu gitaramo cya ‘Iwacu Muzika Festival’ kiraba kuri uyu wa Gatandatu tariki 17 Kanama 2019 muri Parking ya Stade Amahoro.

Arahuriramo n’abahanzi batandukanye barimo Nsengiyumva François wamamaye nka ‘Igisupusupu’ wanyuze mu bindi bitaramo byose, Intore Masamba, Safi Madiba, Marina, Queen Cha, Amalon , Bull Dogg, Bruce Melodie, Sintex na Bushali ukunzwe cyane mu ndirimbo ye yitwa “Nituebue”.

Kiritabirwa kandi n’Itorero ry’Igihugu ‘Urukerereza’ naryo rizagaragara muri iki gitaramo gitegerejwe na benshi mu bakunda umuziki.

Kwinjira muri iki gitaramo mu Rwanda ni amafaranga ibihumbi 15 Frw mu myanya y’icyubahiro ku bazagura amatike mbere n’ibihumbi 20 Frw ku bazayagura ku munsi w’igitaramo, abazakirebera mu myanya isanzwe bazishyura 5000 Frw.

Diamond yari arinzwe n'abasore b'inkorokoro bari bambaye mu buryo bwavugishije benshi
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
rugero 2019-08-18 05:21:22

ariko se koko n’ubwo mugaya Psteur Zigirinshuti Michel ngo yavuze igisupusupu,ubundi buriya igisupusupu n’igisukari majyane bisobanuye iki mu nyigisho mbonera-gihugu?none Diamond araje yitwikiriye mu mumutwe,ahubwo jye nari nabanje kugirango n’abaGP bsmurinze huuumm,uwapfuye yarihuse!!!ngo kwinjira ni 20.000-15000- gutyo gutyo?ni bagende bajyeyo guta umwanya

2
danny 2019-08-18 05:01:39

Hhhhhh aba sevile barakabya kweli iriya mifuka baba bashizemo biscuits hhhh sevilian we hhh

3
lg 2019-08-17 23:51:50

Uretse ubwirasi mu Rwanda bamurinda ho iki !!!twarinda turinda, umutkano wabakuru bibihugu nankanswe uwasagihobe umuturage nkabandi, mu Rwanda dufite, abacuranzi sindabona uwo barinda iyo avuga ko ashaka umutekano, yari kuwusaba bakamuha kuri bariya bakora irondo akarela, kuzana abarangaza abantu badafite ninkoni u ubutaha abiyambitse kuriya bajye, babasaba, kubyambarira iwabo *

4
kay 2019-08-17 17:44:01

hahahahah aba bahimbiye umurimo rwose courage

5
bimawuwa 2019-08-17 15:34:07

Ariko yeeeee ibi nibikabyo kweri ubwo se hahahahaha ntacyo mvuze

6
Mugisha christian 2019-08-17 15:08:36

Twishimiy amakur muduh kbx

7
Kabily 2019-08-17 12:59:37

Ibi ni ugukabya bana... Aba harabana bababiza icyuya mukumirwa... Gusa nibisore pe...

8
Jimmy 2019-08-17 12:43:23

njyew icyombona cyo Ni uko abo batipe babereye kurinda neza.
igisirikare baragishoboye rwose.
courage bro

9
Blaise 2019-08-17 12:28:29

Ariko barakabya pe uziko wagirango ngo agiye nko muri Afghanistan , barebye movies nyinshi!!!

10
Tino 2019-08-17 10:37:26

Aba basivile kbsa barengereye😂😂😂ubuse baba bikanze iki?

Paji: 1 | 2  

Kwamamaza