IGIHE

Abakobwa bari muri Miss Supranational basuye Ingoro y’Urugamba rwo guhagarika Jenoside

1 6-09-2019 - saa 10:57, Uwiduhaye Theos

Abakobwa 15 bari guhatanira ikamba rya Miss Supranational bari no mu mwiherero muri La Palisse Nyandungu basuye Ingoro Ndangamateka y’Urugamba rwo guhagarika Jenoside iherereye mu nyubako y’Inteko Ishinga Amategeko y’u Rwanda ku Kimihurura, basobanurirwa byinshi ku mateka yaranze u Rwanda.

Nsengiyumva Alphonse uyobora sosiyete yitwa KS Ltd iri gutegura iri rushanwa, yabwiye IGIHE ko batekereje iki gikorwa kuko bashakaga gutembereza aba bakobwa ahantu nyaburanga ariko na none bagasanga byaba byiza babajyanye aho babasha kumenya amateka y’u Rwanda.

Ati “Twahisemo gusura ahantu nyaburanga hatandukanye. Hari henshi twagiye dutekereza harimo Pariki n’ahandi ariko tuza gusanga gufasha abana kumenya amateka aribyo by’ingenzi kuko ni abana bakeneye kumenya byinshi benshi bavutse nyuma ya Jenoside yakorewe Abatutsi.”

Akomeza ko avuga ko nyuma yo gusobanurirwa amateka yaranze ihagarikwa rya Jenoside bishimye cyane bakavuga ko babahitiyemo neza.

Ati “Twaravuze tuti reka tubahe amahirwe yo gutembera barebe amateka y’igihugu, uko yatangiye n’uko ibihe bibi u Rwanda rwanyuzemo byagiye bihagarikwa. Nyuma barishimye cyane. Hari abari barabyumvise ariko batarabibona, bahereye ku wari umaze kubatembereza baramushimiye bavuga ko twabahitiyemo neza.”

Umwiherero wa Miss Supranational Rwanda uzasozwa ku wa ku wa 8 Nzeri 2019. Ku wa 06 Nzeri hazabaho ijoro ryo kwerekana impano mu gihe ku wa 08 Nzeri muri Serena Hotel hazabaho igikorwa cyo gutoranya umukobwa uhiga abandi, akazaserukira u Rwanda muri Miss Supranational muri Pologne.

Kwinjira mu muhango nyir’izina wo gutanga ikamba rya Miss Supranational bizaba ari 10,000 Frw mu myanya isanzwe. Mu myanya y’icyubahiro (VIP) ni 15,000 Frw mu gihe ameza y’abantu umunani azaba ari 150,000 Frw.

Umuhanzikazi Alyn Sano ni we uzasusurutsa abazaba bitabiriye iki gikorwa gitegerejwe na benshi.

Ushobora kugura itike yo kwinjira muri ibi birori wifashishe uburyo bwa Mobile Money ugakoresha code ya 33 31 01. Ukanda *182*8*1*333101*Amafaranga#

Umukobwa uzatwara ikamba rya Miss Supranational Rwanda 2019 azahembwa Miliyoni 1 Frw, anaserukira u Rwanda mu irushanwa rya Miss Supranational rizabera muri Pologne, mu Ukuboza 2019. Igisonga cya Mbere azahabwa 500,000 Frw, Igisonga cya kabiri ahembwe 300,000 Frw.

Aba bakobwa bishimiye kumenya amateka y'urugamba rwo guhagarika Jenoside
Nsengiyumva Alphonse uyobora sosiyete yitwa KS Ltd iri gutegura iri rushanwa, yabwiye IGIHE ko batekereje iki gikorwa kuko bashakaga gutembereza aba bakobwa ahantu nyaburanga ariko na none bagasanga byaba byiza babajyanye aho babasha kumenya amateka y’u Rwanda
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Kessia 2019-09-06 22:44:03

Uwanditse iyi nkuru ni byiza, gusa ongeraho .. Jenoside yakorewe Abatutsi, mureke tujye tubivuga nkuko biri, mwabanyarwanda mwe ntago interahamwe zishe abanyarwanda kuko bari abanyarwanda gusa, bishwe kuko bari abatutsi, please nimujya mwandika or tuvuga ni Jenoside yakorewe abatutsi . Murakoze

Kwamamaza