IGIHE

Amakipe azakina ½ muri Beach Volleyball World Tour y’i Rubavu yamenyekanye

0 23-08-2019 - saa 21:43, Eric Tony Ukurikiyimfura

Umunsi ubanziriza uwa nyuma w’irushanwa ry’Isi rya Rubavu Beach Volleyball World Tour riri kubera ku kiyaga cya Kivu wasize amakipe umunani azakina ½ mu cyiciro cy’abagabo n’abagore amenyekanye.

Iri rushanwa ry’iminsi ine rizasozwa kuri uyu wa Gatandatu hakinwa imikino ya ½ n’imikino ya nyuma mu byiciro byombi.

Ikipe imwe y’u Rwanda y’abagore igizwe na Nzayisenga Charlotte na Hakizimana Judith ni yo yabashije kugera muri ½ mu gihe andi atanu yasezerewe.

Mu mikino ya ¼ yabaye mu bagabo kuri uyu wa Gatanu, ikipe ya Suède (Lundgren/Tegenrot) yatsinzwe n’iy’Abayapani ( Murakami & Shimizu) amaseti 2-0 (21-19, 21-13).

Ikipe ya kabiri y’u Buyapani igizwe na Koshikawa na Ikeda yatsinzwe n’iya Denmark (Houmann/Stormly) amaseti 2-0 (20-22, 18-21) mu gihe iya gatatu igizwe na Shoji na Kurasaka yatsinze iya Repubulika ya Tchèque igizwe na Sramek na Gala amaseti 2-0 (21-18, 21-17).

Impanga ebyiri zo mu Bwongereza (Javier Bello na Joaquim Bello) itozwa n’ababyeyi babo, na yo yageze muri ½ itsinze iya Chypre (Tellnes/Iverse byn) amaseti 2-1 (18-21, 22-20, 18-16).

Muri ½ kizakinwa guhera mu gitondo cyo kuri uyu wa Gatandatu, Hitoshi Murakami na Keisuke Shimizu bo mu Buyapani barahura na Nicolay Houmann na Jacob Stormly bo muri Denmark.

Undi mukino urahuza Javier Bello na Joaquin Bello bo mu Bwongereza na Kensuke Shoji na Masato Kurasaka bo mu Buyapani.

Mu bagore, abanyarwandakazi Nzayisenga Charlotte na Hakizimana Judith bazahura na Zibrandtsen na Olsen bo muri Denmark guhera ejo saa 10:20 mu gihe undi mukino wa ½ uzahuza Van Driel na Reinders bo mu Buholandi na Palmer na Grimson bo mu Bwongereza.

Aba mbere muri buri cyiciro izahabwa ibihumbi $5,000 mu gihe buri kipe yitabiriye igira icyo ihabwa.

Abanya-Denmark bigaragaje muri iri rushanwa, bageze muri 1/2
Iri rushanwa riri kubera ku mucanga wo ku kiyaga cya Kivu
Nzayisenga Charlotte na Hakizimana Judith bageze muri 1/2 ndetse ni yo kipe yo mu Rwanda isigaye muri aya marushanwa
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza