IGIHE

Handball: Amakipe y’u Rwanda yageze ku mikino ya nyuma y’Imikino Nyafurika

0 16-05-2024 - saa 18:42, Iradukunda Olivier

Amakipe y’u Rwanda y’Abahungu batarengeje imyaka 18 na 20 yageze ku mikino ya nyuma ya “IHF Trophy Zone V” ikomeje kubera muri Ethiopia.

Iyi mikino ya ½ mu byiciro cyombi yabaye kuri uyu wa Kane, tariki 16 Gicurasi 2024, i Addis Ababa.

Ikipe y’Igihugu y’Abahungu batarengeje imyaka 20 yabigezeho nyuma yo gutsinda iya Ethiopia ibitego 29 kuri 28, bityo ikomeza kwitwara neza nk’uko yabikoze irangiza imikino y’amatsinda iyoboye.

Ni umukino u Rwanda rwakinnye neza kuko yasoje igice cya mbere iyoboye umukino n’ibitego 14 kuri 12. Mu gice cya kabiri iyi kipe yongereye ikinyuranyo, urangira iwegukanye itsinze 29 kuri 28 by’u Burundi.

Indi kipe yageze ku mukino wa nyuma ni iy’abatarengeje imyaka 18 yahageze bigoranye kuko yatsinzwe na Kenya ibitego 13 kuri 16 gusa mu cya Kabiri irayigaranzura itsinda 27 kuri 24.

Ikipe y’Abatarengeje imyaka 20 izakina na Uganda ku mukino wa nyuma kuko yatsinze u Burundi ibitego 43 kuri 29 mu gihe Abatarengeje 18 bazakina na Ethiopia.

Iri rushanwa ni rimwe mu akunze guhira amakipe y’u Rwanda kuko mu 2022, Ikipe y’Igihugu y’Abatarengeje imyaka 20 yaryegukanye itsinze iya Uganda byongeye guhura ibitego 39-37.

Amakipe y'u Rwanda akomeje guhirwa n'Imikino Nyafurika
Abakinnyi Ikipe y'u Rwanda yifashishije ku mukino wa 1/2
Ikipe y'u Rwanda ya Handball y'Abatarengeje imyaka 18 yatsinze iya Kenya igera ku mukino wa nyuma
Abakinnyi b'Ikipe y'u rwanda baririmba indirimbo yubahiriza Igihugu
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza