IGIHE

Umwaka w’imikino wa 2023/24 ugiye guca agahigo ko kubonekamo ibitego byinshi muri Premier League

0 18-05-2024 - saa 08:56, Eric Tony Ukurikiyimfura

Impera z’iki cyumweru zishobora gusiga amateka mashya yo gutsinda ibitego byinshi muri Shampiyona y’Icyiciro cya Mbere mu Bwongereza (Premier League) iri kugana ku musozo.

Mu gihe ku Cyumweru, tariki ya 19 Gicurasi, hateganyijwe imikino 10, hamaze kwinjizwa ibitego 1209 muri uyu mwaka w’imikino, ni ukuvuga impuzandengo ya 3.27 ku mukino.

Ibindi bitego 13 ni byo bikenewe kugira ngo uyu mwaka w’imikino ukureho agahigo ko gutsindwamo byinshi muri Premier League, aho byaba biruta 1222 byinjijwe mu mwaka w’imikino wa 1992/93 aho icyo gihe Shampiyona yakinwaga n’amakipe 22 aho kuba 20 nk’uko bimeze uyu munsi.

Mu gihe umunsi wa nyuma w’umwaka w’imikino wabonetsemo ibitego bike, ari uwo mu 1997/98 winjijwemo 21, uyu mwaka w’imikino ushobora guca agahigo ko kubonekamo byinshi muri rusange.

Byitezwe ko kandi rutahizamu wa Manchester City, Erling Haaland yegukana igihembo cy’umukinnyi watsinze ibitego byinshi bya Premier League muri uyu mwaka w’imikino, akaba agiye kubikora ku nshuro ya kabiri yikurikiranya.

Uyu Munya-Norvège amaze kubona izamu inshuro 27 mbere y’umukino we na bagenzi be bazakiramo West Ham United ndetse bazaba bakeneye gutsinda kugira ngo begukane Igikombe cya Shampiyona ku nshuro ya kane yikurikiranya.

Kuri ubu, Manchester City ifite amanota 88 ku mwanya wa mbere, irusha abiri Arsenal ya kabiri, yo izaba yakiriye Everton ku Cyumweru.

Erling Haaland amaze gutsinda ibitego 27 muri Shampiyona y'uyu mwaka
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza