IGIHE

Sibomana Patrick yasinye muri Heroes FC yo mu cyiciro cya kabiri imutiza Kiyovu Sports

8 9-02-2019 - saa 13:28, Ngabo Roben

Umukinnyi ukina ku ruhande rw’ibumoso asatira, Patrick Sibomana ‘Pappy’ wifuzwaga na AS Kigali, yamaze kwerekeza muri Kiyovu Sports, imutijwe na Heroes FC yo mu cyiciro cya kabiri, yamuguze miliyoni imwe n’igice z’amafaranga y’u Rwanda.

Mu mezi abiri ashize Sibomana yakoraga imyitozo muri APR FC ariko nta kipe afite, kuko yasheshe amasezerano muri Shakhtyor Soligorsk yo mu cyiciro cya mbere muri Belarus.

Ikipe ya APR FC ntabwo yifuje kumusinyisha kuko ifite abakinnyi benshi bakina ku mpande.

Yagiranye ibiganiro na AS Kigali bigera kure ariko ntiyayisinyira kuko amakuru agera kuri IGIHE yemeza ko yifuzaga guhembwa amafaranga ibihumbi 500 Frw ariko yo yemerakumuha ibihumbi 350 Frw gusa. Ikipe ya Kiyovu Sports yaritaye mu gutwi, ku wa Kane tariki 7 Gashyantare 2019 itangira ibiganiro n’uyu mukinnyi.

Impande zombi zakoze inama inshuro ebyiri kuri uyu wa Gatanu tariki 9 Gashyantare 2019 zumvikana ko Sibomana asinyira Kiyovu Sports, amasezerano y’amezi atandatu akagurwa miliyoni n’igice y’amafaranga y’u Rwanda.

Kujya muri Kiyovu Sports kwa Sibomana byafunguye umuryango kuri Biramahire Abeddy, rutahizamu washeshe amasezerano muri Club Sportif Sfaxien yo muri Tunisia yari yasinyiye mu mezi atanu ashize, wahise asinyira AS Kigali amasezerano y’amezi atandatu mu gitondo cyo kuri uyu wa Gatandatu. Uyu musore w’imyaka 19 yaguzwe miliyoni imwe n’igice, azajya ahembwa ibihumbi 350Frw ku kwezi.

Gusa kubera ko isoko ryo kugura abakinnyi ku rwego mpuzamahanga ryafunzwe mu Ukuboza 2018, aba bakinnyi bavuye hanze binjira muri AS Kigali na Kiyovu Sports basinyishijwe na Heroes FC yo mu cyiciro cya kabiri kuko yo idakoresha uburyo bw’ikoranabuhanga ryo guhererekanya abakinnyi rya FIFA, ikaba yahise ibatiza aya makipe yo mu cyiciro cya mbere.

Biteganyijwe ko Sibomana wavutse tariki 22 Ukwakira 1996 ahabwa nimero 11 agatangira gukinira Kiyovu Sports tariki 20 Gashyantare 2019, ubwo bazaba bakira Kirehe FC ku munsi wa 16 wa shampiyona y’u Rwanda.

Sibomana Patrick wari umaze iminsi akora imyitozo muri APR FC yamaze kwerekeza muri Kiyovu Sports
Sibomana yasinye amezi atandatu yemererwa guhembwa ibihumbi 500 Frw
Nyuma yo gusesa amasezerano muri CS Sfaxien yo muri Tunisia, Biramahire yerekeje muri AS Kigali
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
It's doesn't concern you 2019-02-11 03:52:26

Weho ngo nkotanyi no1... Bro ko ubigize politic kandi ari sport? Nnx nitegeko ko buri wese waba warabohoye ighugu cyangw yitwa nkotanyi afana APR??

2
Nkotanyi No1 2019-02-10 06:39:03

Wowe wiyita Nkotanyi uri kwipasa muremure no kw’izina kuko Ntamuntu witwa Nkotanyi wafana urucaca asize ikipe y’inkotanyi APR FC twese dukunda yanahagaritse genocide abatutsi bicwa urwa gashinyaguro ntabakinnyi APR FC yatwaye Kiyovu kuko Kiyovu abayikinira siyo yababyaye ibona baza ikabona bagenda niko biri mu makipe yose yo kwisi jijukirwa .

3
Nkotanyi No1 2019-02-10 06:21:07

Wowe wiyita Nkotanyi uri kwipasa muremure no kw’izina kuko Ntamuntu witwa Nkotanyi wafana urucaca asize ikipe y’inkotanyi APR FC twese dukunda yanahagaritse genocide abatutsi bicwa urwa gashinyaguro ntabakinnyi APR FC yatwaye Kiyovu kuko Kiyovu abayikinira siyo yababyaye ibona baza ikabona bagenda niko biri mu makipe yose yo kwisi jijukirwa .

4
Nkotanyi No1 2019-02-10 06:18:39

Wowe wiyita Nkotanyi uri kwipasa muremure no kw’izina kuko Ntamuntu witwa Nkotanyi wafana urucaca asize ikipe y’inkotanyi APR FC twese dukunda yanahagaritse genocide abatutsi bicwa urwa gashinyaguro ntabakinnyi APR FC yatwaye Kiyovu kuko Kiyovu abayikinira siyo yababyaye ibona baza ikabona bagenda niko biri mu makipe yose yo kwisi jijukirwa .

5
Tio 2019-02-09 23:41:39

ABAKINNYI BACU NI ZECOMEDIE KABISA, NTAWUJYA HANZE NGO AMARE KABIRI. BAMEZE NKA ZA NKUMI ZISHYINGIRA NTIZITINDE KUMUSORE

6
Sembagare john 2019-02-09 22:31:03

jye ndi umufana Wa Gikundiro Rayon aliko noneho ukuntu tuliho tugulisha abakinnyi wagirango ninka tuliho tugukisha,kandi aho bitereye impungenge mukeba APR ili kwiyubaka kuburyo bikaze,yazanye abana babanyarwanda batyaye kandi twe tuliho turagukisha.mvugishije ukuli APR iratumara noneho ejo bundi yadutsinze 1 kubusa aliko noneho Ubu tugize ibyago tugahura ni 4/0 .

7
Ekambi 2019-02-09 22:23:14

Bravo urucaca dukunda

8
nkotanyi 2019-02-09 12:16:27

aho twahereye sha igikona kidusahura abakinnyi reka natwe twumve ku musaruro wacyo?!!Pappy karibu mu rucaca? !!

Kwamamaza