IGIHE

Rayon Sports yakoze imyitozo ya nyuma yizeye gusezerera Al-Hilal (Amafoto)

7 25-08-2019 - saa 10:16, Eric Tony Ukurikiyimfura

Rayon Sports yaraye ikoze imyitozo ya nyuma mbere yo guhura na Al-Hilal Club mu mukino wo kwishyura mu ijonjora ribanza rya CAF Champions League, uteganyijwe kuri iki Cyumweru tariki ya 25 Kanama saa 19:30.

Iyi myitozo yabereye kuri Al-Hilal Stadium yakira uyu mukino ku masaha, aho ifite ubushobozi bwo kwakira abantu ibihumbi 65,000.

Abakinnyi bose ba Rayon Sports bakoze iyi myitozo ya nyuma yanagaragayemo rutahizamu Michael Sarpong na myugariro Rugwiro Hervé batakoze ku wa Gatanu kubera utubazo duto bari bafite.

Iyi kipe yagiye idafite umutoza wongerera ingufu abakinnyi, Mwiseneza Djamal ndese n’umutoza w’abanyezamu Hannington Kalyesubura.

Umuyobozi wa Tekinike Kayiranga Baptiste ni we wakoresheje iyi myitozo dore ko ari na we wahawe ikipe kuri uyu mukino wo kwishyura mu gihe hagiterejwe umutoza mukuru uzaza gusimbura umunya-Brésil Robertinho wasubiye iwabo.

Kayiranga yizeye ko Rayon Sports ibasha kwitwara neza muri uyu mukino, igasezerera Al-Hilal.

Ati” Uko byagenda kose tugomba gutsinda igitego kimwe hano cyangwa bibiri ariko umubare w’ibyo twinjizwa ukajya munsi y’ibyo twatsinze. Nta byo kunganya ngo 1-1 cyangwa 2-2, oya hagomba kuzamo ikinyuranyo.”

Rayon Sports itegerejweho kongera gukora amateka nk’ayo yakoze mu 1994 ubwo yasezereraga Al-Hilal Omdurman iyitsinze ibitego 4-2 mu irushanwa rya CAF Winners Cup.

Umukino ubanza wabereye i Kigali mu byumweru bibiri bishize, warangiye amakipe yombi anganyije igitego 1-1.

Abakinnyi 19 Rayon Sports yajyanye kuri uyu mukino wo kwishyura ni: Bizimana Yannick, Ciza Hussein, Habimana Hussein, Iradukunda Eric, Iragire Saidi, Irambona Eric, Iranzi Jean Claude, Kakule Mugheni Fabrice, Kimenyi Yves, Mazimpaka André, Mugisha Gilbert, Nizeyimana Mirafa, Nshimiyimana Imran, Nyandwi Saddam, Rugwiro Hervé, Rutanga Eric, Sarpong Michael, Sekamana Maxime na Ulimwengu Jules.

Rayon Sports yakoze imyitozo ya nyuma ku kibuga ikiniraho kuri iki Cyumweru
Bizimana Yannick, Rugwiro na Iragire mu myitozo yo kuri uyu wa Gatandatu
Mugheni Fabrice wigaragaje mu mukino ubanza, aritezwe kuri iki Cyumweru
Al-Hilal Stadium ni yo yakira uyu mukino wo kwishyura
Rutanga akinana na Michael Sarpong bari kumwe na Nizeyimana Mirafa
Mugheni Fabrice akinana na myugariro Habimana Hussein
Rugwiro utarakoze imyitozo ku wa Gatanu, yakoranye n'abandi kuri uyu wa Gatandatu
Kayiranga Baptiste afite icyizere ko Rayon Sports ibasha gusezerera Al-Hilal
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
kkk 2019-08-26 13:34:16

bizarangira munganije ubundi mutahane insinzwi muze muge mu nzove kuvuruguta mu gishanga

2
NIYONIRAGIJE RAON IKWIYE GUSEZERERWA PEEEEEE!!! 2019-08-26 00:08:44

Andika hano IKIPE IRABIKIYEGUTSINDWA KBS

3
Tuyishimire 2019-08-25 12:24:43

Ntakabuza Turacyura Insinzi Murwagasabo

4
Niyom 2019-08-25 07:36:03

Insinzi ya 2-1 irahari

5
Musharafu Matheus 2019-08-25 07:30:56

nukuri turabikora

6
Ndayizeye 2019-08-25 04:52:07

Amahirwe masa, barabikora rwose.

7
best 2019-08-25 04:30:06

coulage basore.

Kwamamaza