Rayon Sports mu itsinda rya Yanga, Gor Mahia na USM Alger muri CAF Confederation Cup

23 21-04-2018 - saa 14:39, Ishimwe Israel

Rayon Sports ihagarariye u Rwanda mu mikino Nyafurika ya CAF Confederation Cup yisanze mu itsinda D aho iri kumwe na Yanga Africans yo muri Tanzania, Gor Mahia yo muri Kenya na USM Alger yo muri Algeria.

Tombola y’uburyo amakipe 16 yageze mu matsinda azahura yabereye ku Cyicaro cy’Impuzamashyirahamwe y’Umupira w’Amaguru muri Afurika (CAF) i Cairo mu Misiri kuri uyu wa Gatandatu, tariki ya 21 Mata 2018.

Rayon Sports iheruka kwandika amateka yo kugera mu matsinda ya CAF Confederation Cup isezereye Costa do Sol yo muri Mozambique ku giteranyo cy’ibitego 3-2 mu mikino yombi.

Iyi kipe yashyizwe mu itsinda rya D aho iri kumwe na Gor Mahia yo muri Kenya isanzwe ikinamo Umunyarwanda Tuyisenge Jacques na Meddy Kagere wayinyuzemo mu 2013-2014 kimwe na myugariro Karim Nizigiyimana Mackenzie wayikiniye; izahura kandi na Young Africans Sports Club yo muri Tanzania, amakipe yose asanzwe ahurira mu mikino ya Cecafa Kagame Cup ihuza ayo mu bihugu byo muri Afurika y’Uburasirazuba.

Aya makipe yiyongeraho Union Sportive de la Médina d’Alger, izwi nka USM Alger ibarizwa mu Mujyi wa Algiers muri Algeria. Iyi kipe yambara umutuku n’umukara yashinzwe mu 1937, yatsindiwe ku mukino wa nyuma wa CAF Champions League mu 2015.

Rayon Sports izatangira yakira Gor Mahia mu Rwanda mu mukino ubanza uzakinwa ku wa 6 Gicurasi 2018 mu gihe uwo kwishyura uzabera i Nairobi ku wa 19 Kanama 2018.

Iyi mikino izasubikwa hakinwa Igikombe cy’Isi kizabera mu Burusiya kuva ku wa 14 Kamena kugeza ku wa 15 Nyakanga 2018, yongere gusubukurwa kugeza muri Kanama; biteganyijwe ko amakipe abiri azakomeza muri ¼ azamenyekana bitarenze Nzeri 2018.

Rayon Sports kugera mu matsinda byayihesheje ibihumbi 275 by’amadorali ya Amerika (asaga miliyoni 235 Frw).

Aya ni nayo mafaranga ahabwa ikipe isezerewe mu matsinda ari iya gatatu mu gihe ebyiri za mbere zijya muri ¼ . Ikipe zisezerewe muri ¼ zitahana ibihumbi 350 $ (akabakaba miliyoni 299 Frw), izisezerewe muri ½ zihabwa ibihumbi 450 $ (akabakaba miliyoni 385 Frw). Ikipe itsindiwe ku mukino wa nyuma ihabwa ibihumbi 625 $ akabakaba miliyoni 535 Frw naho itwaye igikombe igahabwa 1,250,000 $ (asaga miliyali imwe na miliyoni 70 Frw).

Uko amatsinda ya CAF Confederation Cup agabanyije:

Itsinda A: Raja Casablanca (Maroc), Asec Mimosas (Côte d’Ivoire), Aduana Stars (Ghana) na AS Vita (RD Congo)

Itsinda B: Al Masry (Misiri), U.D Songo (Mozambique), RS Berkane (Maroc) na Al Hilal Omdurman (Sudani)

Itsinda C: Djoliba AC (Mali), Williamsville A.C (Côte d’Ivoire), Cara Brazzaville (Congo) na Enyimba FC (Nigeria)

Itsinda D: Rayon Sports (Rwanda), Gor Mahia (Kenya), Young Africans (Tanzania) na USM Alger (Algeria)

Rayon Sports yisanze mu itsinda rya Yanga, Gor Mahia na USM Alger muri CAF Confederation Cup
Uko amakipe agabanyije mu matsinda ya CAF Confederation Cup
Uko amakipe azahura mu mikino y'itsinda rya Kane riherereyemo Rayon Sports
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3  

1
Maniriho Protogene 2018-05-18 08:20:08

yewe ikipe yacu GIkundiro dukomeje kuyiba Inyuma kbsa Nikomeze Izamure ibebendera ryigihugu cyacu nikomeze muruhando rwayandi makipe

2
VINCENT MUTUYIMANA CYANE 2018-04-22 11:02:11

rayon nibabahe ayo madorari. ahasigaye bombori bombori mukipe gusezererwa byo byarangiye kare kuko igikomeye muzakora mumatsinda nugutsindwa bike urabeho rayon nabafana bawe

3
Aruberi 2018-04-22 02:33:33

rayon nikomerezaho kabs Thank you kabs kuri rayon nokubafana bayo bose mbahaye boravo kabs rayon ooyeeee.oyeee!!!!

4
Aruberi 2018-04-22 02:30:58

rayon yikomerezaho kabs Thank you kabs kuri rayon nokubafana bayo bose mbahaye buravo kabs rayon ooyeeee.

5
ali 2018-04-22 00:24:36

mubisoma mukihe gitabo ko ari ikipe yimana? kurindagira.com

6
Habiryayo viateur 2018-04-21 23:48:42

tuzabikora

7
NAHIMANA FRODOUARD 2018-04-21 23:27:39

IKIPE YIMANA YO NIMUYIREKE IMANA NIYO IYITWAYE MURI CAF KANDI IGIYE KUZANA IGHKOMBE

8
ali 2018-04-21 22:37:14

yaba Bibiliya cg Korowani mwanyereka ahanditse ko rayon ari ikipe y’imana? UBUJIJI.COM koko ndemeye ko hari ikipe zuzuyemo injiji gusa

9
kfb 2018-04-21 22:33:37

imana se igira ikipe? inatsindwa? yibera mu nzoga? benshi mubantu bararindagiye

10
king 2018-04-21 22:30:56

mwifuza gutombora ibisigati gusa !!!! gasenyi we!!!

Paji: 1 | 2 | 3  

Kwamamaza