IGIHE

Meya Nzabonimpa yiyemeje guhagurukira ibibazo byazonze Gicumbi FC

0 17-05-2024 - saa 09:55, Evence Ngirabatware

Ibibazo by’uruhererekane biri muri Gicumbi FC bikeneye kuvugutirwa umuti ngo harebwe ko yasubira mu cyiciro cya mbere ndetse ikongera gutanga ibyishimo ku baturage no mu Karere ka Gicumbi.

Mu kiganiro Meya w’Akarere ka Gicumbi, Nzabonompa Emmanuel, yagiranye n’itangazamakuru yavuze ko nta rirarenga kandi inzego bireba zigiye kwicara zigatekereza ku cyakorwa ngo ikipe isubire ku murongo ndetse n’amatiku yakunze kuyivugwamo bayacoce.

Nzabonimpa Emmanuel yashimangiye kandi ko akurikirana Gicumbi FC ndetse n’ibibazo biyirimo abizi byiganjemo ibyo kudahemba abakinnyi, kutabona ubushobozi bwo kubacumbikra, gucunga nabi ingengo y’imari.

Hari kandi kugumura abakinnyi rimwe na rimwe bigatuma badakora imyitozo, byose hamwe byatumaga ikipe itsindwa umusubizo kuko abakinnyi benshi bayo baturukaga i Kigali bagakina badaheruka imyitozo.

Inzira yo gukemura kandi ibibazo byose birinda iyi kipe kujya mu Cyiciro cya Gatatu, Maya Nzabonimpa yatangiye kwifashisha abafatanyabikorwa banamwemerera inzu zigera kuri esheshatu zahoze ari iz’ubuyobozi bwa leta nubwo zidakoreshwa.

Izo nzu zizo zizatunganywa bityo zikazahabwa abakinnyi ba Gicumbi FC aho kwirirwa mu bibazo byo gushakisha amafaranga y’ubukode bajyaga babona byabanje kugorana.

Maya Nzabonimpa yavuze ko hari ibibazo bikigoye gukemura cyane muri Komite Nyobozi kuko bitashoboka ko ihita iseswe, gusa hagiye kubaho ibiganiro byaba ngombwa hakazatorwa indi ariko mu gihe kiri imbere.

Gicumbi FC ntiyabashije kuboneka mu makipe ane meza akina imikino ya nyuma y’Icyiciro cya kabiri aharanira kujya mu cya Mbere.

Umuyobozi w'Akarere ka Gicumbi FC, Nzabonimpa Emmanuel, yiyemeje gukemura ibibazo biri muri Gicumbi FC
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza