IGIHE

Kiyovu Sports yasinyishije Munezero Fiston, Bwanakweli n’abanyamahanga babiri

3 16-08-2019 - saa 09:08, Eric Tony Ukurikiyimfura

Kiyovu Sports ikomeje kwiyubaka mu gihe iri no kwitegura umwaka mushya w’imikino uzatangira mu ntangiriro za Ukwakira, yasinyishije myugariro Munezero Fiston n’umunyezamu Bwanakweli Emmanuel bombi bigeze gukinira Police FC ndetse n’abandi bakinnyi babiri barimo Umugande n’Umunye-Congo.

Kuri uyu wa Kane ni bwo Kiyovu Sports yatangaje ko yamaze gusinyisha myugariro w’ikipe y’igihugu ‘Amavubi’ Munezero Fiston wari umaze iminsi nta kipe afite nyuma yo gutandukana na Musanze FC mu mwaka ushize w’imikino.

Munezero uheruka guhamagarwa mu Amavubi akinira Rayon Sports, yasinye imyaka ibiri ndetse yitezweho gufatanya n’abarimo Manzi Sincère mu bwugarizi bwa Kiyovu Sports.

Undi mukinnyi Urucaca rwasinyishije kuri uyu wa Kane, ni uwari umunyezamu wa Police FC, Bwanakweri Emmanuel na we wasinye imyaka ibiri mu gihe byari byitezwe ko ashobora kwerekeza muri Zambia.

Bwanakweri abaye umunyezamu wa kabiri mushya uguzwe muri iyi mpeshyi nyumaya Ndayisaba Olivier wavuye muri Musanze FC mu gihe kandi na Nzeyurwanda Djihad yongereye amasezerano y’imyaka ibiri.

Kiyovu Sports ifite kandi undi munyezamu ukiri muto witwa Ishimwe Patrick.

Uretse aba bakinnyi babiri b’abanyarwanda, Ubuyobozi bwa Kiyovu Sports bwerekanye kandi ko bwasinyishije umugande Faisam Luhachimba wakiniraha Kyetume FC ndetse n’umunye-Congo Landry Masiri wavuye muri Kabasha FC, bombi basinye imyaka ibiri.

Mu rwego rwo kwitegura Shampiyona y’Icyiciro cya Mbere izatangira tariki ya 4 Ukwakira, Kiyovu Sports iheruka kunyagira Vision FC ibitego 5-0, izakina undi mukino wa gicuti na Gicumbi FC ku Cyumweru, ku Mumena.

Aba bakinnyi bane bashya baguzwe kuva umutoza Buruchaga ageze muri iyi kipe, baje biyongera ku bandi baguzwe mbere barimo: Manzi Sincère Huberto, Ndayisaba Hamidou, Mfitumukiza Nzungu, Okenge Lulu Kevin, Dusingizimana Gilbert, Nyirinkindi Saleh, Nsabimana Adolphe , Ndayisaba Olivier na Nahimana Isiaq.

Myugariro Munezero Fiston yasinyiye Kiyovu Sports
Umunyezamu Bwanakweri Emmanuel azajya ahatanira umwanya ubanza mu kibuga n'abarimo Ndayisaba Olivier
Faisam Luhachimba wavuye muri Kyetume FC
Landry Masiri we yakinaga muri Kabasha FC
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Mupando 2019-08-16 12:14:41

Mercie Kiyovu,allez le Vert blanc

2
Ekambi 2019-08-16 05:26:31

Yego yego urucaca dukunda

3
Ekambi 2019-08-16 05:25:24

Yego yego urucaca dukunda

Kwamamaza