IGIHE

Kayiranga Baptiste yatangaje 11 babanza mu kibuga mu mukino wa Al-Hilal Club

2 25-08-2019 - saa 16:47, Ndayikunda Josué

Kayiranga Baptiste wahawe inshingano zo gutoza Rayon Sports mu mukino wo kwishyura mu ijonjora ribanza rya CAF Champions League, yashyize hanze abakinnyi 11 bagomba kubanza mu kibuga mu mukino wo kwishyura uhuza ikipe ye na Al-Hilal Club.

Rayon Sports itarabashije kubonera itsinzi i Kigali ikanganya 1-1, ifite urugamba rutoroshye rwo gusezerera Al-Hiral Club iraba iri imbere y’abafana bayo mu mukino uteganyijwe kuba kuri iki Cyumweru tariki ya 25 Kamena 2019 saa 19:30.

Mu bakannyi bari babanjemo mu mukino wabereye i Kigali, Kayiranga Baptiste yakoze impinduka ebyiri aho Ciza Hussein na Imran Nshimiyimana batari mu bari bubanze mu kibuga kuri uyu mugoroba, Iragire Saidi na Nizeyimana Mirafa bagirirwa icyizere cyo kuza muri 11.

Abakinnyi 11 batangajwe binyuze ku mbuga nkoranyambaga za Rayon Sports ni: Kimenyi Yves mu izamu, Iradukunda Eric, Rutanga Eric, Rugwiro Herve, Iragire Saidi, Nizeyimana Mirafa, Habimana Hussein, Mugheni Fabrice, Michael Sarpong, Iranzi Jean Claude na Jules Ulimwengu.

Rayon Sports itegerejweho kongera gukora amateka nk’ayo iheruka mu 1994 ubwo yakuragamo Al-Hiral iyitsinze ibitego 4-2 mu irushanwa rya CAF Winners’ Cup.

Ubuyobozi bwa Rayon Sport bwashyiriyeho agahimbazamusyi abakinnyi k’ibihumbi 400 Frw kuri buri wese mu gihe baba bakuyemo iyi kipe bagakomeza mu cyiciro gikurikiraho.

Sarpong watsindiye Rayon Sports mu mukino ubanza, ahanzwe amaso muri uyu wo kwishyura
Ulimwengu Jules ni umwe mu bitezweho gufasha Rayon Sports gukomeza mu cyiciro gikurikiraho
Abafana ba Rayon Sports basabwe kuba inyuma y'ikipe yabo nubwo iraba ikinira hanze yo mu rugo
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
aline 2019-08-26 13:23:12

asyiiii ubu mubuze indi kipe muvuga ataruyu mwanda ngo ni gasenyi iri busezererwe mwizina rya Yesu

2
celestin 2019-08-25 12:00:54

niyihe TV iwerekana?

Kwamamaza