IGIHE

Gasogi United yasinyishije rutahizamu ukomoka muri Cameroun

14 6-09-2019 - saa 19:05, Eric Tony Ukurikiyimfura

Gasogi United yatsindiye gukina icyiciro cya mbere mu mwaka utaha w’imikino wa 2019/20 ikomeje kwiyubaka, aho yasinyishije rutahizamu Athassi Fabrice Merlin wakiniraha ya Union de Douala yo mu cyiciro cya mbere muri Cameroun.

Athassi Fabrice Merlin yashyize umukono ku masezerano y’imyaka ibiri kuri uyu wa Gatanu.

Umuyobozi wa Gasogi United FC, Kakoza Nkuriza Charles (KNC) yashimagije uyu rutahizamu mushya yaguze, aje kwirukanisha ba myugariro b’amakipe azaba ahanganye na Gasogi mu mwaka utaha w’imikino.

Ati ”Twari dukeneye umukinnyi nka Athassi, umukinnyi utaha izamu. Twari twaragerageje benshi ntibyakunda, uyu rero ni we twahisemo kandi azadufasha, ngirango abamubonye mu myitozo ye yambere uyu munsi na n’ubu baracyavuga. Ba myugariro bihangane kubera ko babonye akazi gakomeye, babonye uzabirukanisha mu makipe yabo."

Athassi Fabrice Merlin w’imyaka 23 yakiniye amakipe atandukanye muri Cameroun arimo Young Star na Camrail hagati ya 2004 na 2007, Bonamoussadi FC yo mu cyiciro cya kabiri hagati ya 2012 na 2013 na Titanic FC mu mwaka w’imikino wa 2014/15.

Bivugwa ko uyu mukinnyi yakoze igeragezwa muri Naftan FC yo mu cyiciro cya mbere muri Bielorussie na Khimki FC yo mu Burusiya mu 2016.

Yabaye umunyamahanga wa kabiri usinyiye Gasogi United nyuma ya Manase Mutatu Mbedi ukomoka muri Repubulika Iharanira Demokarasi ya Congo mu gihe hategerejwe Umunya-Liberia uzagera mu Rwanda muri iki cyumweru.

Gasogi United FC itozwa na Guy Bukasa, yaherukaga kugura kandi Mudeyi Abdul wakiniraga Espoir FC na Kaneza Augustin wakiniraga Sorwathe FC, bombi basinye imyaka ibiri kimwe na Cyuzuzo Ally wakiniraga Kirehe FC mu mwaka ushize w’imikino.

Gasogi United yasinyishije rutahizamu Athassi Fabrice Merlin wakinaga muri Union de Douala yo muri Cameroon
KNC yashimagije uyu rutahizamu yaguze, avuga ko azirukanisha ba myugariro b'ayandi makipe
Mudeyi Abdul na Kaneza na bo basinyiye gukinira Gasogi United mu mwaka utaha w'imikino
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Sule 2019-09-07 11:51:11

Uyu mukinnyi ashobora kuba angana na Haruna NIYONZIMA mu myaka

2
King 2019-09-07 07:06:27

Amazina yatubeshye, kuva 2004 akina umupira none ngo afite 23!

3
yyy 2019-09-07 05:23:21

yatangiye imikino mu 2004 kdi ubu afite imyaka 23?????

4
JP 2019-09-07 05:05:57

muri 2019 afite imyaka 23 muri 2004 yakinaga muri young star ni ikipe yi abana bo muri qaurtier ariko kuko yari afite imyaka 10!!! Muduhe amakuru yuzuye

5
Cizzo 2019-09-07 02:20:09

Hhh nonese aya makipe yakiniye 2004 _2007
Yayakiniye afite imyaka ingahe niba ubu afite 23 kd haciyeho 15 yrs sha afurika iransetsa kweli
Bravo kuri knc nge nikundira siyasa yawe kandi bizaguhire rwose

6
Eric Harerimana 2019-09-07 01:52:18

Uwo mukinnyi w’umunyakameruni ndumva imyaka ishobora kuba ihabanye niyo muvuga??? No gute yaba yaratangiye gukina za Competition 2004 mu vuga ko afite imyaka 23!??? President wa Gasogi ago yadutekinitse. Bivuze ko yatangiye gukina competition afire imyaka 8 !??? Ntibibaho

7
Anast 2019-09-07 01:47:47

Nihatari! Afite 23ans yatangiye guconga ruhago 2004. Ni ukuvuga ko kumyaka 8 gusa yatahaga izamu!!!!

8
Eric Harerimana 2019-09-07 01:01:55

None se uwo mukinnyi w’umunyakameruni Gasogi isinyishije ko imyaka mu vuga afite ngo 23 bari ko ihabanye n’ukuri!?? President wa Gasogi asobanura ko yatangiye gukina competition 2004 hashize 15, ubwo se yatangiye gukina afite imyaka 8!?? Ntibibaho

9
Sandra 2019-09-07 00:55:46

Muri 2004 yakineye ikipe afite imyaka 8 y’amavuko?

10
Musa 2019-09-07 00:10:17

Afite imyaka 23, bivuze ko yavutse 1996, mukatubwira ngo 2004 yakinaga mu cyiciro cya mbere. Umwana w’imyaka 8 koko?

Paji: 1 | 2  

Kwamamaza