FC Barcelona yageze i Johannesburg gukinira igikombe cy’isabukuru y’imyaka 100 ya Mandela

5 16-05-2018 - saa 14:49, Manzi Rema Jules

Umukinnyi ufatwa na benshi nk’uwa mbere ku Isi, Lionel Messi, na bagenzi be bo muri FC Barcelona, bageze Johannesburg muri Afurika y’Epfo guhanganira na Mamelodi Sundowns igikombe cyo kwizihiza isabukuru y’imyaka 100 ya Nelson Mandela.

FC Barcelona yegukanye igikombe cya shampiyona muri Espagne uyu mwaka, yageze i Johannesburg mu masaha ya mu gitondo kuri uyu wa Gatatu, igomba gukina na Mamelodi Sundowns kuri uyu mugoroba mu mukino w’irushanwa ryiswe ‘The Nelson Mandela Centenary Cup’.

Mamelodi Sundowns yibukwa n’Abanyarwanda cyane kuko ariyo yasezereye Rayon Sports mu marushanwa ya CAF Champions League uyu mwaka.

Iyi kipe yatoranyijwe guhura na Messi na bagenzi be kubera ko ariyo yegukanye igikombe cya shampiyona uyu mwaka.

Biteganyijwe ko umukino ubera muri FNB Stadium yakiriye umukino wa nyuma w’igikombe cy’Isi cya 2010, cyegukanywe na Espagne yarimo abakinnyi ba FC Barcelona nka Gerard Piqué ugiye kongera kuyikiniraho na Andrés Iniesta wasigaye kubera impamvu ze bwite.

Si ubwa mbere iyi kipe itumiwe, yanakiniye muri Afurika y’Epfo mu 2007 na Mamelodi Sundowns iyitsinda ibitego 2-1 mu mukino wa gicuti.

Mandela ufatwa nk’intwari ya Afurika kubera uruhare rwe mu kurwanya akarengane ndetse akaba yaranabaye Perezida wa Afurika y’Epfo, yitabye Imana mu Kuboza 2013, akaba yari kuzuza imyaka 100 muri Nyakanga uyu mwaka.

Lionel Messi na Luis Suarez mu kanyamuneza kenshi ku mugabane wa Afurika gukina bibuka Mandela
Lionel Messi na Luis Suarez bageze muri Afurika y'Epfo
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Kls 2018-05-17 08:36:36

Iniesta yarahari yaranakinnye ninawe wazamuye ishusho na Nelson mandela

2
kfb 2018-05-16 14:00:25

ntureba uko abandi bambara ureke abiyambika amakoti yarwanira amata nirindazi ...hhh

3
Jay 2018-05-16 08:57:37

Welcome to Africa Lionel Messi, The best football Player in the world and ur team Fc Barcelona.

4
Claude 2018-05-16 08:47:57

BAZATEMBERERE MU RWANDA NDETSE BAKINE MATCH AMICAL NA APR CQ RAYONS

5
Jay 2018-05-16 08:19:03

Welcome to Africa Lionel Messi, The best football Player in the world and ur team Fc Barcelona.

Kwamamaza