CECAFA Kagame Cup: Simba SC na AZAM FC zageze ku mukino wa nyuma

0 11-07-2018 - saa 21:22, Manzi Rema Jules

Ikipe ya Simba SC ibifashijwemo na rutahizamu wayo Kagere Meddie yasezereye JKU SC iyitsinze igitego kimwe ku busa, isanga ku mukino wa nyuma mukeba wayo AZAM FC, yo yakatishije itike isezereye Gor Mahia ku bitego bibiri ku busa.

Muri iri rushanwa riterwa inkunga na Perezida Paul Kagame riri kubera i Dar es Salaam muri Tanzania, amakipe yombi yari yaserukiye u Rwanda yarasezerewe, APR FC ntiyarenga amatsinda mu gihe Rayon Sports yaviriyemo muri ¼.

Mi mikino ya kimwe cya kabiri yabaye kuri uyu wa Gatatu, AZAM FC yasezereye Gor Mahia ya Tuyisenge Jacques ku bitego 2-0 byose byabonetse mu minota 30 y’inyongera, nyuma y’aho 90 isanzwe y’umukino yarangiye amakipe yombi ananiwe kwisobanura.

Mu wundi mukino w’iki cyiciro, Simba SC ibifashijwemo n’Umunyarwanda Kagere Meddie watsinze igitego kimwe rukumbi cyabonetse ku munota wa 44, yasezereye JKU SC yo muri Zanzibar ihita isanga AZAM FC ku mukino wa nyuma.

Aya makipe asanzwe ahangana no muri shampiyona ya Tanzania agomba kuzishakamo iyegukana igikombe cya CECAFA Kagame Cup 2018 mu mukino wa nyuma uzaba ku wa Gatandatu tariki 14 Nyakanga kuri stade y’igihugu ya Tanzania, ukazabanzirizwa n’uwo guhatanira umwanya wa gatatu hagati ya Gor Mahia na JKU SC.

Kagere Meddie niwe wafashije Simba SC kugera ku mukino wa nyuma wa CECAFA Kagame Cup
AZAM FC yageze ku mukino wa nyuma isezereye Gor Mahia yo muri Kenya
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza