IGIHE

Bugesera FC yapapuye Kiyovu Moustapha Francis, na yo isinyisha umunya-Côte d’Ivoire

2 20-08-2019 - saa 08:44, Eric Tony Ukurikiyimfura

Umukinnyi mpuzamahanga w’Umurundi Mustapha Francis byari byitezwe ko azakinira Kiyovu Sports mu mwaka utaha w’imikino yaraye yerekeje muri Bugesera FC, aho yashyize umukono ku masezerano y’imyaka ibiri.

Ku mugoroba wo kuri uyu wa Mbere ni bwo ubuyobozi bwa Bugesera FC bwatangaje ko bwamaze gusinyisha Mustapha Francis uheruka gutandukana na Gor Mahia yo muri Kenya.

Uyu mukinnyi wari mu ikipe y’igihugu y’u Burundi yakinnye igikombe cya Afurika giheruka kubera mu Misiri, byari byitezwe ko asubira muri Kiyovu Sports yavuyemo ajya muri Kenya muri Kamena 2018.

Mustapha Francis uzwi nka Ndjali yageze bwa mbere mu Rwanda muri Nzeri 2016 aje gukinira Kiyovu Sports, aho yari avuye muri Muzinga FC y’iwabo.

Uyu mukinnyi w’Umurundi ukina inyuma ya ba rutahizamu, yiyongereye ku bandi bakinnyi benshi bashya Bugesera FC yaguze barimo; Ally Tonto Kitende, Twagirimana Pacifique , Ishimwe Issa Zappy, Kariyo Issa Arubu, Rubibi Bonk, Mugisha François, Wilondja Jacques, Nzabanita David, Ndikumana Moussa, Kiiza Alcade, Peter Otema, Niyukuri Ramadhan na Buzunza Djamal.

Nyuma yo gutakaza Mustapha Francis, Kiyovu Sports na yo yatangaje ko yamaze gusinyisha umunya-Côte d’Ivoire, Kouame Dynho ukina muri ba myugariro, wahawe amasezerano y’imyaka ibiri.

Kiyovu Sports iherutse gutakaza kandi Karera Ally Hassan kuri ubu uri gukorera imyitozo muri AS Kigali n’ubwo byari byatangajwe ko yamaze kongera amasezerano, ariko hakaba hari ibyo impande zombi zitumvikanyeho.

Kiyovu kandi yaguze abarimo Manzi Sincère Huberto, Ndayisaba Hamidou, Mfitumukiza Nzungu, Okenge Lulu Kevin, Dusingizimana Gilbert, Nyirinkindi Saleh, Nsabimana Adolphe , Ndayisaba Olivier, Nahimana Isiaq, Munezero Fiston, Bwanakweri Emmanuel, Landry Masiri na Faisam Luhachimba.

Mustapha Francis wari witezwe muri Kiyovu Sports byarangiye agiye muri Bugesera FC
Umunya-Côte d’Ivoire, Kouame Dynho yasinye imyaka ibiri muri Kiyovu Sports
Karera Hassan byari byavuzwe ko yongereye amasezerano y'imyaka itatu ubu ari gukorera imyitozo muri AS Kigali
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Frank 2019-08-20 02:58:13

Bravo Bugesera FC mushake n’abandi basobanutse, murabantu babagabo kabisa!!

2
Frank 2019-08-20 02:58:03

Bravo Bugesera FC mushake n’abandi basobanutse, murabantu babagabo kabisa!!

Kwamamaza