IGIHE

NBA: Boston Celtics yageze ku mukino wa nyuma wa kamarampaka

0 16-05-2024 - saa 09:42, Byiringiro Osée Elvis

Boston Celtics yatsinze Cleveland Cavaliers amanota 113-98 yuzuza intsinzi ya kane, ibi biyerekeza ku mukino wa nyuma w’iya kamarampaka mu gice cy’iburasirazuba.

Ni umukino Celtics yasabwaga gutsinda kugira ngo yizere gukomeza mu kindi cyiciro. Nk’ikipe nkuru ntiyakoze ikosa kuko yawuyoboye kuva utangiye kugeza urangiye.

Jayson Tatum na Al Horford bafashije iyi kipe gutangira neza itsinda amanota menshi, isoza igice cya mbere iyoboye umukino n’amanota 58 kuri 52.

Iyi kipe yagaragaza imbaraga zikomeye, yakomeje gukina neza no mu duce tubiri twa nyuma maze isoza umukino yatsinze Cleveland Cavaliers amanota 113 kuri 98.

Iyi kipe yahise yuzuza intsinzi enye kuri imwe bityo igera ku mukino wa nyuma mu gice cy’iburasirazuba. Celtics izategereza ikipe izava hagati ya New York Knicks na Indiana Pacers, aho Knicks iyoboye n’intsinzi eshatu kuri ebyiri.

Mu gice cy’iburengerazuba, Dallas Mavericks yatsinze Oklahoma City Thunder amanota 104-92 igira intsinzi eshatu kuri ebyiri bityo irasabwa imwe kugira ngo igere ku mukino wa nyuma.

Indi mikino yo muri iki gice, iri guhuza Denver Nuggets na Minnesota Timberwolves, aho Nuggets iyoboye n’intsinzi eshatu kuri ebyiri bityo irasabwa imwe kugira ngo igere ku mukino wa nyuma.

Umukino wa gatandatu uteganyijwe mu rukerera rwo ku wa Gatanu, tariki 17 Gicurasi 2024 ku kibuga cya Timberwolves.

Derrick White atsinda amanota abiri
Al Horford ari mu bakinnyi bitwaye neza mu mukino Celtics yatsinzemo Cavs
Abafana ba Boston Celtics mu byishimo byinshi nyuma yo kubona itike y'umukino wa nyuma
Dallas Mavericks irakomanga ku mukino wa nyuma
Luka Dončić akomeje gufasha Mavericks kwitwara neza
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza