IGIHE

Igikombe cy’Isi cya 2019 cyaciye agahigo ko kwitabirwa n’abakinnyi benshi ba NBA

0 6-09-2019 - saa 17:41, Eric Tony Ukurikiyimfura

Ku nshuro ya mbere Shampiyona ya Basketball muri Amerika (NBA) yaserukiwe n’abakinnyi 54 mu mikino ya nyuma y’Igikombe cy’Isi cy’uyu mukino kiri kubera mu Bushinwa.

Igikombe cy’Isi cya 2014 cyari kitabiriwe n’abakinnyi 45 bavuye muri iyi Shampiyona.

Guhera ku wa Gatandatu tariki ya 31 Kanama, mu Bushinwa hari kubera Igikombe cy’Isi cya Basketball gihuje ibihugu 32.

Abakinnyi 103 barimo abakina muri NBA n’abatoranyijwe kuzakinamo (draftees) bitabiriye iri rushanwa riri kuba ku nshuro ya 18 mu gihe mu 2014 hari hitabiriye 92.

Amakipe y’ibihugu yakinnye iki Gikombe cy’Isi afite abakinnyi baturutse mu makipe 21 ya NBA mu gihe 25 muri 32 ari gukina iri rushanwa, byibuze buri imwe ifite umukinnyi wa NBA, uwigeze kuyikinamo cyangwa uwatoranyijwe kuba yayikinamo.

Bolton Celtics ifite abakinnyi batandatu bakina muri NBA bari muri iri rushanwa mu gihe Milwaukee Bucks na Sacramento Kings buri imwe ifitemo batanu.

Memphis Grizzlies, Orlando Magic na San Antonio Spurs buri imwe ifite abakinnyi bane muri iki Gikombe cy’Isi kiri kubera mu Bushinwa.

Uretse Leta Zunze Ubumwe za Amerika zifite abakinnyi bose bakina muri NBA, u Bufaransa na Serbia ni byo bihugu bifite abakinnyi benshi bakina muri iyi shampiyona ya Basketball ikunzwe kurusha izindi ku Isi, aho buri gihugu gifitemo abakinnyi batanu.

Australia na Espagne zinganya abakinnyi bakina muri NBA, buri gihugu n’abakinnyi bane.

Muri iri rushanwa harimo abakinnyi basaga 50 banyuze muri gahunda ya Basketball itagira umupaka (Basketball Without Borders (BWB)), aho 11 muri bo kuri ubu bakina muri NBA.

Iyi BWB ni gahunda yashyizweho na NBA ku bufatanye n’Ishyirahamwe Mpuzamahanga ry’umukino wa Basketball ku Isi mu rwego rwo guteza imbere uyu mukino guhera mu 2001 ndetse abagera kuri 69 bayinyuzemo, batoranyijwe muri NBA cyangwa bagasinya n’abakinnyi bigenga.

Ni ku nshuro ya mbere Igikombe cy’Isi cyitabiriwe n’amakipe 32, aho kuba muri 24 nk’uko byagenze mu bikombe bitatu biheruka gukinirwa.

Ibihugu 80 ni byo byahatanye mu mikino yo gushaka itike yo kwitabira iri rushanwa biturutse mu bice bine birimo Afurika, Amerika, u Burayi na Aziya ibarizwamo Oceania.

Ibihugu byitabiriye Igikombe cy’Isi bifite abakinnyi bakina muri NBA

USA: Abakinnyi bose

U Bufaransa: Rudy Gobert, Evan Fournier, Nicolas Batum, Frank Ntilikina, Vincent Poirier.

Serbia: Nemanja Bjelica, Bogdan Bogdanovic, Marko Gudurić, Nikola Jokic, Boban Marjanovic.

Australia: Joe Ingles, Patty Mills, Matthew Dellavedova, Aron Baynes .

Serbia: Nemanja Bjelica, Bogdan Bogdanovic, Marko Gudurić, Nikola Jokic, Boban Marjanovic.

Australia: Joe Ingles, Patty Mills, Matthew Dellavedova, Aron Baynes.

U Budage: Dennis Schroder, Maxi Kleber, Isaac Bonga, Daniel Theis.

Espagne: Marc Gasol, Juancho Hernangomez, Willy Hernangomez, Ricky Rubio.

Canada: Khem Birch, Oshae Brissett, Cory Joseph.

Nigeria: Al-Farouq Aminu, Chimezie Metu, Josh Okogie.

Turkey: Cedi Osman, Ersan Ilyasova, Furkan Korkmaz.

Brésil: Cristiano Felicio, Bruno Caboclo.

U Bugereki: Giannis Antetokounmpo, Thanasis Antetokounmpo.

U Butaliyani: Marco Belinelli, Danilo Gallinari.

Lithuania: Jonas Valanciunas, Domantas Sabonis.

Puerto Rico: Isaiah Pineiro.

Repubulika ya Tchèque: Tomas Satoransky.

U Butaliyani: Rui Hachimura, Yuta Watanabe.

Montenegro: Nikola Vucevic.

Amakipe yakinnye Igikombe cy’Isi cy’uyu mwaka adafite abakinnyi ba NBA

Itsinda A: Cote d’Ivoire, Pologne, Venezuela, China.

Itsinda B: Russia, Argentina, Korea.

Itsinda C: Iran, Tunisia.

Itsinda D: Angola, Philippines.

Itsinda F: New Zealand.

Itsinda G: Dominican Republic, Jordan.

Itsinda H: Sénégal.

Abakinnyi amwe mu makipe yo muri NBA yatanze mu Gikombe cy’Isi cya 2019:

Boston Celtics: Jaylen Brown (USA), Vincent Poirier (France), Marcus Smart (USA), Jayson Tatum (USA), Daniel Theis (u Budage), Kemba Walker (USA).

Milwaukee Bucks: Giannis Antetokounmpo (u Bugereki), Thanasis Antetokounmpo (u Bugereki), Ersan Ilyasova (Turkey), Brook Lopez (USA), Khris Middleton (USA).

Memphis Grizzlies: Bruno Caboclo (Bresil), Marko Gudurić (Serbia), Jonas Valanciunas (Lithuania), Yuta Watanabe (u Buyapani).

Orlando Magic: Al-Farouq Aminu (Nigeria), Khem Birch (Canada), Evan Fournier (u Bufaransa), Nikola Vucevic (Montenegro).

Sacramento Kings: Harrison Barnes (USA), Nemanja Bjelica (Serbia), Bogdan Bogdanovic (Serbia), Isaiah Pineiro (Puerto Rico).

San Antonio Spurs: Marco Belinelli (Italy), Chimezie Metu (Nigeria), Patty Mills (Australia), Derrick White (USA).

Denver Nuggets: Juancho Hernangomez (Espagne), Nikola Jokic (Serbia), Mason Plumlee (USA).

Cleveland Cavaliers: Matthew Dellavedova (Australia), Cedi Osman (Turkey).

Utah Jazz: Rudy Gobert (France), Joe Ingles (Australia), Donovan Mitchell (USA).

Phoenix Suns: Aron Baynes (Australia), Ricky Rubio (Espagne).

Charlotte Hornets: Nicolas Batum (U Bufaransa), Willy Hernangomez (Espagne).

Chicago Bulls: Cristiano Felicio (Brésil), Tomas Satoransky (Repubulika ya Tchèque).

Iri rushanwa rigeze muri 1/8, amakipe 16 ari yo asigaye mu irushanwa ndetse nta kipe yo muri Afurika yakomeje muri atanu yakinnye iki Gikombe cy’Isi.

Argentine, Australia, Bresil, Repubulika ya Tcheque, Repubulika ya Dominikani, U Bufaransa, U Bugereki, U Butaliyani, Lithuanie, Pologne, Puerto Rico, u Burusiya, Serbia, Espagne na Leta zunze Ubumwe z’Amerika na Venezuela ni byo bihugu byageze muri 1/8.

Nikola Jokic, Giannis Antetokounmpo na Rudy Gobert ni bamwe mu bakinnyi ba NBA bari mu Gikombe cy'Isi cya Basketball kiri kubera mu Bushinwa
Marcus Smart, Jayson Tatum, Jaylen Brown na Kemba Walker ba USA bose bakinira Boston Celtics muri NBA
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza