IGIHE

Rutahizamu wa Ghana Junior Agogo yitabye Imana ku myaka 40

3 22-08-2019 - saa 18:08, IGIHE

Rutahizamu w’ikipe y’igihugu ya Ghana, Junior Agogo, yitabye Imana kuri uyu wa Kane, ku myaka 40 azize indwara y’udutsi dukwirakwiza amaraso mu bwonko ‘Stroke’ yarwaye mu 2015 nyuma y’imyaka ibiri ahagaritse gukina.

Agogo yavukiye i Accra muri Ghana ariko yatangiriye umupira w’amaguru nk’uwabigize umwuga muri Sheffield Wednesday mu mwaka wa 1998-99. Yakinnye imikino ibiri gusa muri iyi kipe atizwa muri Oldham, Chester, Chesterfield na Lincoln mbere yo kwerekeza muri Amerika mu ikipe ya Chicago Fire mu 2000.

Yasubiye mu Bwongereza mu 2002 akinira Queens Parks Rangers mbere yo kujya muri Brentford, yayivuyemo ajya muri Bristol Rovers aho yatsinze ibitego 40 mu myaka y’imikino itatu.

Yakomereje muri Nottingham Forest mu 2006, ayifasha kuzamuka mu cyiciro cya kabiri. Yasoje ibyo gukina umupira w’amaguru nyuma yo gukina mu Misiri, Chypre na Ecosse.

Sheffield Wednesday yanditse kuri Twitter iti “Sheffield Wednesday tubabajwe no kumenya inkuru y’urupfu rw’uwari umukinnyi wacu Junior Agogo. Turazirikana umuryango n’inshuti bya Junior muri ibi bihe bikomeye. Aruhukire mu mahoro”.

Agogo yahamagawe n’ikipe y’igihugu ya Ghana inshuro 27, akaba yari mu ikipe yarangije ku mwanya wa gatatu mu gikombe cya Afurika cya 2008, aho yagitsinzemo ibitego bitatu. Muri rusange yatsindiye Ghana ibitego 11

Junior Agogo yatsindiye Ghana ibitego 11
Junior ahanganiye umupira ubwo Ghana yakinaga na Cameroon
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Batsinda 2019-08-23 01:02:13

Yo oh yakirimuto dis imana imwakire mubayo
Ariko iyirwara ntivurwa?ko imaze abantu

2
Batsinda 2019-08-23 01:02:13

Yo oh yakirimuto dis imana imwakire mubayo
Ariko iyirwara ntivurwa?ko imaze abantu

3
Ufrancine 2019-08-22 15:37:44

Yooooh imana imwakire mubayo

Kwamamaza