Tour du Sénégal: Uwizeyimana yafashe umwanya wa kabiri ku rutonde rusange

1 26-04-2018 - saa 18:58, IGIHE

Uwizeyimana Bonaventure yasoje ku mwanya wa kabiri mu Gace ka Gatanu ka Tour du Sénégal kakinwe kuri uyu wa Kane, kava mu Mujyi wa Thies gasorezwa i Ndangane ku ntera y’ibilometero 158.2, bimuhesha amahirwe yo kuba uwa kabiri ku rutonde rusange.

Umudage Jan Niklas Junger w’imyaka 28 niwe wegukanye aka gace akoresheje amasaha 3:28:14, akaba ari nabyo bihe Uwizeyimana yakoresheje.

Undi Munyarwanda Ukiniwabo Jean Paul René yaje ku mwanya wa kane asizwe amasegonda atanu, naho Umunya-Algeria Youcef Reguigui wigaragaje cyane muri Tour du Sénégal yegukana uduce twose tune aba uwa gatandatu asizwe iminota 2:05.

Ku rutonde rusange Youcef Reguigui amaze gukoresha amasaha 14:24:27, akurikiwe na Uwizeyimana Bonaventure, urushwa amasegonda 14, naho undi Munyarwanda uza hafi akaba ari Didier Munyaneza usigwa amasegonda 41.

Ukiniwabo ari ku mwanya wa 28, Hadi Janvier ku wa 29, Paul Uwiduhaye ari ku mwanya wa 37 naho Patrick Byukusenge akaba ari ku mwanya wa 40.

Munyaneza Didier aracyari imbere mu bakinnyi bato aho amaze gukoresha ibihe bingana na 10:54:49, arusha amasegonda atatu Umunya-Algeria, Bouzidi Mohamed ukinira Sovac-Natura4Ever umukurikiye.

Kuri uyu wa Gatanu, Tour du Sénégal izakinwa Agace ka Gatandatu kazava Ndangane kerekeza i Ngueniene ku ntera y’ibilometero 114.9; ku wa Gatandatu bakazasiganwa ibilometero 140 kuva i Ngaparou bajya i Ngaparou mbere yo gusoza ku Cyumweru bazenguruka ibilometero 102.4 mu Murwa Mukuru Dakar.

Uwizeyimana Bonaventure yafashe umwanya wa kabiri ku rutonde rusange muri Tour du Sénégal
Ukiniwabo Jean Paul René yasoje ku mwanya wa kane mu Gace ka Gatanu ka Tour du Sénégal
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Denys 2018-04-26 15:02:57

Courage basore bacu. Ikigaragaracyo nuko muzarangiza muri abambere. Abandi ingufu zimaze kuyoyoka. Muberekeko mwariye ingereko

Kwamamaza