SpaceX igiye kohereza mukerarugendo hafi y’ukwezi

1 14-09-2018 - saa 11:33, Nshimiyimana Jean Baptiste

Ikigo cyo muri Amerika gikora ibyogajuru kirateganya kohereza mukerarugendo hafi y’ukwezi, gikoresheje icyogajuru kinini ‘Big Falcon Rocket’.

Amakuru y’uru rugendo yatangajwe mu ijoro ryo ku wa 13 Nzeri binyuze ku rukuta rwa Twitter rwa SpaceX, yanatangaje ko umuntu uzatembere hafi y’ukwezi azamenyekana kuwa 17 Nzeri uyu mwaka.

Ubu butumwa bugira buti “SpaceX yasinyanye n’umuntu wa mbere uzajya gutembera hafi y’ukwezi agendeye mu cyogajuru cyacu tuzatangiza, ni intambwe ikomeye mu gufasha abantu bahora bifuza gutembera mu isanzure”.

Icyogajuru SpaceX yubatse kigizwe n’ibice bibiri; igice cyohereza mu kirere icyogajuru icyo aricyo cyose, n’igice kizava ku Isi kijya mu isanzure.

Umuvugizi wa SpaceX yirinze kugira byinshi atangaza, ndetse ntibizwi neza niba uru rugendo hari aho ruhuriye n’itangazo iki kigo cyasohoye muri Gashyantare 2017.

Ryavugaga ko cyasinyanye amasezerano n’abantu babiri bazajya mu bice byegereye ukwezi ariko nticyabavuga amazina n’amafaranga bizatwara.

Nyuma y’umwana SpaceX yatangije ikindi cyogajuru cyanabaye icya mbere gifite ingufu ku Isi yose.

Gusa umuherwe Elon Musk akaba na nyiri SpaceX, yari yatangaje ko icyo cyogajuru kitagenewe kugurukana umuntu mu kirere.

Musk yagize ati “Ushobora kongera kohereza umuntu ku kwezi ariko sinabijyamo inama. Gusa ndatekereza ko uburyo bwiza bwo kujyayo bwakoresha ‘Big Falcon Rocket”

CNN yanditse ko uyu mugabo wihambira ku ntego ze, mu kiganiro cyihariye bagiranye muri Werurwe yari yavuze ko icyo cyogajuru bashobora kugisuzuma mu 2019.

Nta wundi muntu wari wakandagira ku kwezi nyuma ya Apollo. Abanyamerika b’abahanga mu by’ubumenyi bw’ikirere, Neil Armstrong na Buzz Aldrin, babaye aba mbere kujya mu kwezi mu 1969. Kuva ubwo abantu 24 mu mateka ni bo bamaze kujyayo.

Ikigo SpaceX kigiye kohereza umukerarugendo ku kwezi
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Hirwa 2018-09-15 04:52:22

Abantu bamaze kugera ku kwezi batubwira ko ari 12 aho kuba 24 nkuko mwabyanditse, program ya apollo yashoboye kubagezayo muri mission 6; arizo apollo 11 yajyanye Armstrong na Aldrin, hakurikiraho mission apollo 12, nayo ijyana 2, kugeza kuri apollo 17; apollo 13 nayo yagombaga kubagezayo ariko ihura n’ibibazo bagaruka batagezeyo. program yose ihagarara hagezeyo 12 gusa kuko buri mission yagezagayo 2. Murakoze

Kwamamaza