IGIHE

TECNO Mobile yashyize ku isoko Phantom 9 ifite camera eshatu z’inyuma

4 30-07-2019 - saa 13:05, Uwiduhaye Theos

Uruganda rukora rukanacuruza telefoni zigezweho rwa TECNO Mobile, rwashyize ku isoko telefoni nshya ya Phantom 9, ikoranywe ubuhanga buhanitse ku buryo itandukanye cyane n’izindi zisanzwe ku isoko.

Phantom 9 iheruka gushyirwa hanze n’uru ruganda, yihariye kuba ifite camera eshatu z’inyuma n’ubushobozi bwo kubikaho ibintu bwa 128 GB na RAM ya 6 GB.

Camera yayo y’imbere ifite megapixels 32 naho iz’inyuma eshatu imwe ifite megapixels 16, indi ikagira megapixels 8 n’indi ifite megapixels 2. Iyi telefoni nshya yakoranywe android 9 PIE.

Umuyobozi Ushinzwe itangazamakuru no kwamamaza ku mbuga nkoranyambaga muri TECNO mu Rwanda, Niyonkuru Yves, yabwiye IGIHE ko iyi ari telefoni iziye igihe kandi ikwiye buri wese wifuza gufata amafoto mu buryo bwihariye.

Yavuze ko imaze igihe ikorwaho, ariko uburyo ije ku isoko imeze bijyanye n’igihe imaze itunganywa.

Camera eshatu z’inyuma za TECNO Phantom 9 zikoranywe ubuhanga bwa Google Lens butuma umuntu amenya ibintu byose biranga ikintu cyagiye mu mboni ya camera.

Uburyo TECNO Phantom 9 iteyemo butuma itwarika neza mu ntoki nta mpungenge. Ije ikurikira uruhererekane rwa telefoni za Phantom zagiye zishyirwa hanze na TECNO Mobile. Iyaherukaga ni TECNO Phantom 8 imaze igihe ica ibintu ku isoko.

TECNO Phantom 9 nayo iri muri telefoni Sosiyete ya TECNO iherutse gukubita hasi ibiciro ibyazo muri Expo y’uyu mwaka, yatangiye ku wa 22 Nyakanga ikazagera ku wa 11 Kanama 2019 i Gikondo kuri Expo Grounds.

Yo n’izindi zirimo TECNO Spark 3, TECNO Spark 3 pro, TECNO Camon11, TECNO Camon11Pro, TECNO Pop2, TECNO Pouvoire 3, TECNO Pouvoire 3 Air zose ziri kugurwa ku giciro cyo hasi ugereranyije n’icyo zakagombye kuba ziriho.

TECNO ivuga ko umuntu wifuza gutunga Phantom 9 yanyarukira aho ibicuruzwa byayo biri muri Expo, ubundi akaryoherwa no kwitungira telefoni izira amakemwa.

Telefone za TECNO zikorerwa mu Bushinwa n’uruganda rwa Transsion, runakora izindi zirimo Itel na Infinix.

TECNO yashyize hanze telefoni nshya ya Phantom 9
TECNO Phantom 9 ikoranywe ubuhanga bwihariye
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Wilondja Jean 2019-08-18 14:06:37

Bsr je suis a Bukavu donne mois le prix de phantome 9 en dollars américain

2
gasigwa ernest 2019-07-30 14:51:31

ibiciro turabikeneye

3
rapha 2019-07-30 10:32:12

mwaza mutubwira ibiciro byazo

4
Hi 5 2019-07-30 08:48:39

Ariko bajye batubwira nigiciro , umuntu yumve nimba yayigondera

Kwamamaza