TECNO Mobile Rwanda yamuritse telefoni ya Camon CX, kabuhariwe mu gufata selfie

10 31-03-2017 - saa 16:24, Mugabo Jean d'Amour

Tecno Mobile Rwanda yamuritse telefoni nshya yise Camon CX (Camon C 10) ifite umwihariko wo gufata amafoto meza yaba afotorwa mu buryo busanzwe n’ay’imbere bizwi nka ‘selfie’.

Igikorwa cyo kuyimurika ku mugaragaro cyabaye kuri uyu wa Kane, tariki 30 Werurwe 2017, mu nyubako ya M Peace Plaza ahazwi nko kwa Makuza.

Camon CX ifata amafoto meza ibikesha camera yayo ya megapixels 16 (16 MP) imbere n’inyuma ituma igira ubushobozi bwo gufotora ahari urumuri ruke kandi amafoto akaza acyeye.

Iyi telefone ashobora gukoresha 4G, iratangira kugurishwa kuri uyu wa Gatanu kandi abayigura mu ba mbere barahabwa igabanyirizwa ku giciro rigera kuri 50%.

Tecno Mobile imaze kugurisha telefoni zigezweho (smartphone) zo mu bwoko bwa Camon zigera kuri miliyoni eshanu kuva mu mwaka wa 2015, ikaba yaherukaga gushyira ku isoko Camon C9 mu mwaka ushize.

Umuyobozi wungirije wa Tecno Mobile Rwanda, Ngendahayo Aimable, yavuze ko uretse kumurika iyo telephone, banatangije igikorwa bise ‘Baho ukiri muzima’ (Live while Alive) kigamije guha abakiriya impamvu zo kwishimira ubuzima binyuze mu marushanwa ya Tecno arimo ibihembo bitandukanye birimo gutemberezwa muri parike ya Nyungwe iminsi ibiri.

Igitaramo cyo kumurika Camon CX cyitabiriwe n’abahanzi bakunzwe mu Rwanda barimo Christopher wagaragaye cyane yifata selfie n’abari bacyitabiriye na Dream Boyz yasusurukije abantu binyuze mu ndirimbo zitandukanye.

Abasubije neza ibibazo bahembwe na Tecno
Ngendahayo Aimable, Umuyobozi wungirije wa Tecno Mobile Rwanda atanga ibihembo ku bo byari bigenewe
Abafana bifashe selfie na Telefone ya Tecno Camon CX yamuritse
Urubyiruko rwari rwitabiriye iki gikorwa rwishimiye gususurutswa na Dream Boys
Dream Boys yasusurukije abari bitabiriye iki gikorwa biratinda
Igikorwa cyo kumurika telefone ya Camon CX cyari kitabiriwe n'abiganjemo urubyiruko
Christopher yifata Selfie akoresheje telefone ya Tecno Camon CX
Christopher yishimanye n'abafana be bari bitabiriye igikorwa cyo kumurika Tecno Camon CX
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Emmanuel 2017-06-03 13:17:20

Utanze ago Nakuru arahembwa?

2
Hirwa 2017-04-21 13:28:49

le prix svp. ça coûte combien de francs rwandais ou combien de dollars américains ? précision

3
aniceto 2017-04-01 11:53:19

Iruta sumsung S8 se?Cg I-phone?

4
VEDASTE 2017-04-01 11:08:50

Ariko mwari muri muri ibyo birori cg ni amabwire ? Kuki mutavuga igiciro cyayo koko !?

5
Hope Innocent 2017-04-01 07:39:53

Nonese Nakataraboneka Kurusha Techno 6plus?

6
Frederic 2017-03-31 19:41:44

Batubwire igiciro tuyigure ku bwinshi ndabona ari nziza cyane

7
vedaste 2017-03-31 11:14:29

Mwiriwe, none c ko mutatubwiye uko iri kugurishwa (igiciro). Murakoze

8
M 2017-03-31 10:43:47

Iragura angahe iyo telephone

9
Nikuze Laurien 2017-03-31 10:25:20

Byiza cyane Tecno ndayemera cyane reka nyashake ahubwo nangahe!

10
Jay 2017-03-31 09:34:27

Igura angahe? Ndabaza igiciro cyayo.

Kwamamaza