MTN yasobanuye imvano y’ibibazo mu guhamagarana byabaye mu minsi ishize

6 12-01-2018 - saa 15:09, Evariste Nsengimana

Sosiyete y’itumanaho ya MTN Rwanda yatangaje ko iri gukora ibishoboka byose ngo ibibazo byagaragajwe n’abakiliya bayo mu minsi ishize birimo guhamagarana bakaburana kandi nimero zabo ziri gukoreshwa na internet itihuta ngo bikemuka bityo bakomeze kunogerwa na serivisi nziza z’itumanaho kandi zihendutse.

Ibi byatangajwe kuri uyu wa Gatanu mu kiganiro MTN Rwanda yagiranye n’abanyamakuru kigamije gusobanura impamvu y’ibibazo abakiliya bagaragaje n’ikigiye gukorwa.

Umuyobozi wungirije ushinzwe Tekiniki muri MTN Rwanda, Etienne Nzitatira, yatangaje ko ibyo bibazo byatewe n’abantu benshi bahamagaye mu gihe nayo yakoraga amavugurura.

Ati “Ubu dufite gahunda yo kwagura umurongo wa MTN no gusimbura ibyuma twakoreshaga, tugashyiramo ibishya bigezweho. Ikindi dutegenya gukora ni ukongera ubushobozi bwa réseau tunongeramo izindi serivisi nshya. Ibibazo byabaye mu minsi yashyize byatewe n’abantu bagiye bahamagara cyane cyane igihe cy’iminsi mikuru, mu buryo butunguranye.”

MTN Rwanda yagaragaje yagize umubare munini w’abahamagara itari yiteguye mu mpera z’umwaka, bigira ingaruka ku bakiliya. Imibare igaragaza ko mu Ukuboza 2015 abagamagaye bari 37878, igihe nk’icyo mu 2016 hiyongeraho bake baba 39940 naho mu Ukuboza 2017 baba 60457.

Nzitatira yakomeje avuga ko ayo mavugurura akomeje kugeza muri Nyakanga uyu mwaka, ariko ko mu mezi atatu abanza, ariho hazakorwa byinshi ku buryo abakiliya bazabona serivisi nziza.

Yagize ati “Ubundi imirimo duteganya ko izarangira muri Nyakanga ariko kugira ngo réseau yacu itungane, bizagenda bikora icyumweru ku kindi, cyane cyane amezi atatu ya mbere nibwo bizatungana cyane, hanyuma nyuma y’aho tuzagenda dutunganya neza.”

Umuyobozi Mukuru wa MTN Rwanda, Bart Hofker, yavuze ko atari imikorere mibi yabaye ahubwo ari amavugurura, asaba abakiliya kwihangananira ibibazo babonye mu 2017, kuko muri uyu mwaka nyuma y’aya mavugurura bizaba byiza.

Hofker yakomeje avuga ko umukiliya wagizweho ingaruka n’ibyo bibazo, akabura uko ahamagara cyangwa akoresha internet yaraguza ipaki, yongererwa igihe cyo kuyikoresha ariko ntabihomberemo.

MTN ikomeje kwagura ibikorwa byayo birimo n’iminara, ikava mu gutanga serivisi za 2G yerekeza muri 3G ko imaze kugera ku kigero cya 90% n’ibindi.

Umuyobozi wungirije ushinzwe Tekiniki muri MTN Rwanda, Etienne Nzitatira, asobanurira abanyamakuru impamvu z'ibibazo byo guhamagarana na internet byabayeho mu mpera z'umwaka ushize
Umuyobozi Mukuru wa MTN Rwanda, Bart Hofker, yijeje abakiriya ba MTN Rwanda serivisi nziza muri uyu mwaka
MTN Rwanda yasobanuye ko abantu bahamagaranye mu mpera z'umwaka ushize bagera ku 60457
Ibi bisobanuro byatangarijwe mu kiganiro n'abanyamakuru cyabereye i Nyarutarama ku Cyicaro gikuru cya MTN Rwanda
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Jojo 2018-01-14 22:40:26

pack zanyu muzigabanya iminota buri gihe. niba mbere waguraga iya 100frw bakaguha 1hr, ubu baguha 10min

2
Rutayisire 2018-01-13 10:53:50

Ok ,ibyo musobanuye kubyumva biragoye kuki twaburaga Reseau yo guhamagara mwe mukabona iyo kudutwara Pack tuba twaguze ,tukabura reseau yokuyikoresha.

3
Kanyandekwe Alexis 2018-01-13 04:13:23

MTN ikwiye kwisubiraho. Nkuko nyakubahwa abivuga neza ati mutange service nziza kandi inoze kuri bose, birakwiye ko nubwo bafite abaclient benshi wenda akaba aricyo bitwaza batanga service mbi; bahindura bagatanga service nziza kandi inogeye abaclient.

4
Gasana 2018-01-13 02:30:31

Ariko mwagiye mureka kubeshya abanyarwanda,Mtn ni company twakundaga ariko imikorere yayo muri iyi mindi iteye agahinda ,internet iba igaragaza full H ,ariko nta connection,guhamagara ntibigikunda ,zone zo mumujyi nka Muhima na Nyabugogo nta coverage dufite,I kigali kuri plateau reseau ni full 4G ,ubwose ntibyakozwe nkana,ngo berekane ko ntakibazo ,twe dukeneye ibternetmu bice navuze,Muhima,Nyabugogo kdi ikora zpana kudufenta bandika reseau badafite 4 g 3 g ariko wareba neza ugasanga ni 2 g😂😂😂😂😂

5
lg 2018-01-13 01:12:31

Mtn uravuga gusa ntuvuga kugihombo abayikoresha bagize ngo byibuze ibahe nindishyi ibaha igihe cyo kuvuga batishyuye, ibindi ntacyo bimaze

6
joseph 2018-01-12 22:37:26

ko mtn yagiye ikata abantu amafranga muburyo budasobanutse kuki byo mutabisobanuye nuburyo muzayadusubiza.

Kwamamaza