IGIHE

Apple igiye guhagarika iguriro ry’umuziki rya iTunes

0 2-06-2019 - saa 10:47, IGIHE

Uruganda rukora Ibikoresho by’Ikoranabuhanga rwa Apple rugiye guhagarika serivisi yarwo yo kugurisha umuziki biciye kuri internet izwi nka ‘iTunes’ imaze imyaka 18 ku isoko.

Apple yafashe icyemezo cyo guhagarika ‘iTunes’ nyuma y’igitutu yokejwe n’Ikigo cyo muri Suède kizwi nka Spotify gitanga na serivisi z’itangazamakuru, ikanacuruza umuziki kuva mu 2006.

Bloomberg yanditse ko Apple iteganya kumurika porogaramu (application) nshya eshatu zirimo Apple Music, Apple TV na Apple Podcasts zizashyirwa kuri iPhone na iPad ndetse na mudasobwa za Apple.

Aya makuru azatangarizwa mu Nama Mpuzamahanga ihuza abahanga mu by’Ikoranabuhanga (World Developers Conference -WWDC) iteganyijwe kubera mu Mujyi wa San Jose muri Leta ya California mu cyumweru gitaha.

Serivisi ya ‘iTunes’ yahinduye uburyo bwo gucuruza umuziki kuva yashingwa mu 2001. Ububiko bwayo bwa ‘iTunes Store’, bufasha umuntu kumva umuziki, kuwubika no kureba film zirimo n’iz’uruhererekane.

‘iTunes’ ni iguriro ry’umuziki rya Apple Inc rigurisha umuziki biciye kuri internet kuva ku wa 9 Mutarama 2001. Kugeza mu 2o13, indirimbo zirenga miliyari 25 zari zimaze kugurishwa ziyongeraho application miliyari 40.

Mu ntangiriro z’icyumweru, Apple yashyize ahabona iPod nshya ifasha abakiliya gukina neza imikino itandukanye, inafite uburyo bwa Group FaceTime bufasha abantu benshi kuganira.

Apple igiye guhagarika iguriro ry'umuziki ucururizwa kuri internet rizwi nka 'iTunes'
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza