IGIHE

Facebook yafunze konti miliyari 2.2 mu mezi atatu ya mbere ya 2019

1 24-05-2019 - saa 10:22, Rabbi Malo Umucunguzi

Facebook yatangaje ko yafunze konti mpimbano zisaga miliyari 2.2 mu mezi atatu ya mbere ya 2019, umubare wenda kungana na konti za nyazo zikoreshwa n’abantu bahurira kuri uru rubuga nkoranyambaga.

Kuri uyu wa Kane nibwo iki kigo cyatangaje raporo yacyo ku buryo gishyira mu bikorwa amabwiriza mu kubahiriza umutekano w’abakoresha Facebook harimo no gukumira konti mpimbano cyangwa ko itangazwaho ibidakwiye.

Igaragaza ko konti mpimbano zafunzwe hagati ya Mutarama na Werurwe 2019 ari miliyari 2.19, ziyongereye cyane zivuye kuri miliyari 1.2 zafunzwe mu gihembwe cya kane cya 2018 na miliyoni and 694 hagati y’Ukwakira n’Ukuboza 2017.

Visi Perezida wa Facebook, Guy Rosen yagize ati “Umubare wa konti twafasheho icyemezo wiyongereye bitewe n’uburyo bw’ikoranabuhanga bw’abantu babi bashaka gufungura konti nyinshi cyane icya rimwe.”

Imibare yerekana ko konti z’umwimerere z’abakoresha Facebook ari miliyari 2.38.

Iki kigo cyavuze ko nibura inshuro 25 mu 10 000 ibintu birebwa kuri Facebook nk’amashusho cyangwa ifoto, byari ibintu binyuranyije n’amabwiriza y’ibyemewe gutangazwa kuri uru rubuga, ndetse hagati y’inshuro 11 na 14 mu 10 000 zarengaga ku mabwiriza agenga amashusho y’ubwambure cyangwa imibonano mpuzabitsina.

Facebook yanatangaje ko yongereye imbaraga mu kurwanya ko yakorerwaho ubucuruzi bw’intwaro cyangwa ibiyobyabwenge. Ikoranabuhanga ryayo ryabashije gutahura 83.3% by’ibikorwa byarebanaga n’ibiyobyabwenge na 69.9% byarebanaga n’intwaro nto.

Iki kigo kandi kivuga ko gikomeje kongera imbaraga mu gutahura ubutumwa bubiba urwango bushobora kunyuzwa kuri uyu rubuga.

Facebook yahagurukiye abashaka kuyikoreraho ibintu bitemewe
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
ishimwe belisse 2019-05-27 08:32:51

Ese iyufunguye conte yokuri facebook bokakubwirango wibabiwe password kandi ariyo ukoresha biba byagenze bite? munsobanurire.

Kwamamaza