RDC yanejejwe no kwakira ingagi yari yarashimuswe yitabwagaho mu Rwanda

0 25-05-2014 - saa 13:40, Claude

Ku wa Mbere tariki 19 Gicurasi 2014, ingagi y’ingore izwi ku izina rya “Ihirwe” yasubijwe aho yavukiye mu Birungo byo muri Repubulika iharanira Demokarasi ya Congo (RDC) ikuwe i Kinigi.
Iyi ngangi bivugwa ko yakuwe mu maboko ya ba rushimusi muri Kanama 2011, ikomoka mu muryango w’izitwa Grauer ikaba yarafashirizwaga i Kinigi aho yitabwagaho inavurwa n’itsinda ry’abaganga b’inyamaswa cyane cyane bazobereye iby’ingagi.
Iyoherezwa ry’iyi ngagi muri Repubulika Iharanira Demokarasi ya Congo ryateguwe (...)

Ku wa Mbere tariki 19 Gicurasi 2014, ingagi y’ingore izwi ku izina rya “Ihirwe” yasubijwe aho yavukiye mu Birungo byo muri Repubulika iharanira Demokarasi ya Congo (RDC) ikuwe i Kinigi.

Iyi ngangi bivugwa ko yakuwe mu maboko ya ba rushimusi muri Kanama 2011, ikomoka mu muryango w’izitwa Grauer ikaba yarafashirizwaga i Kinigi aho yitabwagaho inavurwa n’itsinda ry’abaganga b’inyamaswa cyane cyane bazobereye iby’ingagi.

Ihirwe ikiri i Kinigi

Iyoherezwa ry’iyi ngagi muri Repubulika Iharanira Demokarasi ya Congo ryateguwe ku bufatanye bw’Ikigo cy’Igihugu cy’Iterambere (RDB), Umuryango mpuzamahanga Wita ku Ngangi (Diane Fossey), Ibiro bishinzwe abinjira n’abasogoka na Polisi y’Igihugu.

Iyi ngagi yatwawe ku kigo gishinzwe kubungabunga uburere bw’Ingagi mu Majyaruguru y’u Burasirazuba bwa Repubulika Iharanira Demokarasi ya Congo (Gorilla Rehabilitation and Conservation Education/GRACE), aho yasanze izindi ngagi z’imfubyi 13 zihabarizwa.

Dr. Mwamba Tshibasu, umunyamabanga Nshingwabikorwa w’ikigo gishinzwe ubufatanye bw’u Rwanda, RDC na Uganda mu kubungabunga ubuzima bw’ibinyabuzima yagize ati “Iki gikorwa cyo kutarura “Ihirwe” cyabashije kugerwaho kigaragaza umuhate w’ibi bihugu mu guharanira imikoranire myiza hagati y’imipaka”.

Ubwo Ihirwe yategurirwaga gusubizwa iwayo mu ntangiro z'icyumweru

Dr. Jean Felix Kinani ukora mu mushinga wo kuvura ingagi akaba ari mu bafashije ku buvuzi bwa ihirwe, yagize ati “Nabonye ‘Ihirwe’ ikira nyuma yo kurokorwa mu maboko ya ba rushimusi, mfite icyizere ko izahira imenyera icyicaro cya GRACE”.

Umuyobozi w’ikigo GRACE, Sonya Kahlenberg yongeyeho ati “ Twishimiye kuba mu baharanira kubugabunga ibinyabuzima kandi tuzafasha Ihirwe uko dushoboye kugira ngo imenyere ubuzima bwayo bishya”.

Ubwoko bw’ingagi bwa Grauer buboneka ku butaka bw’u Burasirazuba bwa RDC buvugwaho kuba bwibasirwa cyane nab a rushimusi babufata bashaka kubugurisha mu buryo butemewe, guhugura n’indwara, kugerwaho n’ingaruka z’intambara muri Congo mu gihe bivugwa ko ku Isi habarwa ingagi 5 000 gusa z’ubu bwoko.

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza