RDB izinjiza intare ziberanye n’u Rwanda bitarenze muri Werurwe 2015

3 15-10-2014 - saa 10:18, Claude

Ikigo cy’Igihugu cy’Iterambere mu Rwanda(RDB) kiratangaza ko kigiye kuzana intare muri Pariki y’Akagera bitarenze Werurwe umwaka utaha wa 2015 mu rwego rwo kongera ubukerarugendo muri iyi pariki iherereye mu Burasirazuba bw’igihugu.
Ambasaderi Yamina Karitanyi, Umuyobozi ushinzwe ubukerarugendo muri RDB, yavuzeko bari muri gahunda yo kuzana intare muri pariki y’Akagera Yuma y’aho bitagushobotse kuzikura muri Kenya, ubwo yari imbere ya Komisiyo y’Inteko Ishinga Amategeko ishinzwe gukurikirana (...)

Ikigo cy’Igihugu cy’Iterambere mu Rwanda(RDB) kiratangaza ko kigiye kuzana intare muri Pariki y’Akagera bitarenze Werurwe umwaka utaha wa 2015 mu rwego rwo kongera ubukerarugendo muri iyi pariki iherereye mu Burasirazuba bw’igihugu.

Ambasaderi Yamina Karitanyi, Umuyobozi ushinzwe ubukerarugendo muri RDB, yavuzeko bari muri gahunda yo kuzana intare muri pariki y’Akagera Yuma y’aho bitagushobotse kuzikura muri Kenya, ubwo yari imbere ya Komisiyo y’Inteko Ishinga Amategeko ishinzwe gukurikirana imikoreshereze y’imari n’umutungo bya leta (PAC), kugira ngo asobanure iby’imikoreshereze mibi y’imari yagaragaye muri RDB.

Intare zitezwe kuzanwa zigomba kuba zifite ADN/DNA ibasha gukorana n’imiterere y’ikirere cy’u Rwanda. Ibi Amb. Karitanyi yabitangaje nyuma yo kubazwa impamvu intare zitaragezwa muri Pariki mu gihe zagombaga kuba zarahageze umwaka ushize, nk’uko byatangajwe n’ikinyamakuru Standardmedia cyo muri Kenya ari naho hagombaga kugurwa izi ntare.

Amb. Karitanyi yagize ati “Twari tugeze kure gahunda yo kugura intare muri Kenya ariko haje kuvuka ikibazo cyatewe no kwijujuta kw’imwe mu miryango itegamiye kuri Leta ibungabunga inyamaswa ari nabyo byateye ubukererwe.”

Karitanyi avuga ko abijujuse muri Kenya batifuza ko hagira indi nyamaswa ijyanwa hanze y’igihugu kuko izihari zidahagije. Bityo ngo byabaye ngombwa ko RDB irebera ahandi nko muri Uganda na Botswana.

Mu mwaka wa 2009, urubuga newscientist rwatangaje ko mu myaka 7 yabanje Kenya yatakaje intare 100 buri mwaka. Icyo gihe Kenya yari isigaranye intare zibarirwa mu 2000, ibi bikaba byarateye impungenge ko mu myaka 20 iri imbere ishobora kuzaba nta ntare y’ishyamba n’imwe isigaranye keretse wenda izororwa n’abantu ku giti cyabo.

Umwe mu bakozi ba RDB, Ngoga Telesphore, ahuza iki kibazo cy’ubutinde bwo kuzana izi nyamaswa no kuba Pariki itari irashyirwaho uruzitiro, rwagombaga gukorwa kugira ngo hirindwe guhohoterana hagati y’inyamaswa n’abaturage.

Bivugwa ko RDB irimo kugirana ibiganiro na Uganda na Botswana kugira ngo intare zigurwe zizanwe muri Pariki.

Umuyobozi Mukuru wa RDB, Gatare Francis, avuga ko gukura inyamaswa mu gihugu kimwe zijyanwa mu kindi bitigeze byoroha nk’uko babitekerezaga.

Pariki y’Akagera yigeze kugira intare zisaga 230, nyuma ya Jenoside yakorewe Abatutsi muri 1994, abaturage bahungutse bagiye bazihohotera mu buryo butandukanye birangira zishize.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Hirwa Rukundo 2017-05-09 10:05:04

Kuki mwavuze ngo RDB igiye kuzaana intare muri 2015 ubwo ni ukuvuga ngo tugri muri 20.. kangahe Kosora bwana we

2
kazubwenge 2014-11-17 04:25:30

Zigomba kuza kuko zitaje ngo zigabanye population ya herbivores zirisha nta équilibre écologique yabaho bityo mu minsi mike pariki y’akagera igahinduka ubutayo. Welcome Ntare mu rw’agasabo

3
kazubwenge 2014-11-17 04:25:30

Zigomba kuza kuko zitaje ngo zigabanye population ya herbivores zirisha nta équilibre écologique yabaho bityo mu minsi mike pariki y’akagera igahinduka ubutayo. Welcome Ntare mu rw’agasabo

Kwamamaza