Urwego rushinzwe gutanga ibihembo bya Rolex bigenerwa ba rwiyemezamirimo rwatangaje amazina y’abantu batanu begukanye iby’uyu mwaka wa 2014.
Muri abo batanu buri wese azahabwa amafaranga y’amasuwisi angana n’ibihumbi 50 azafasha mu guteza imbere ibikorwa byabo.
Itangazo kuri ibyo bihembo ryasohowe n’ikigo cya Rolex ahitwa Loyal Societ i Londres mu Bwongereza
Batanu mu begukanye ibyo bihembo batoranyijwe mu bantu 1,800 bari ku rutonde rw’abipiganira.
Mu batsinze harimo umunyarwanda Olivier (...)

Urwego rushinzwe gutanga ibihembo bya Rolex bigenerwa ba rwiyemezamirimo rwatangaje amazina y’abantu batanu begukanye iby’uyu mwaka wa 2014.

Muri abo batanu buri wese azahabwa amafaranga y’amasuwisi angana n’ibihumbi 50 azafasha mu guteza imbere ibikorwa byabo.

Itangazo kuri ibyo bihembo ryasohowe n’ikigo cya Rolex ahitwa Loyal Societ i Londres mu Bwongereza

Batanu mu begukanye ibyo bihembo batoranyijwe mu bantu 1,800 bari ku rutonde rw’abipiganira.

Mu batsinze harimo umunyarwanda Olivier Nsengimana, w’imyaka 30, wiyemeje guteza imbere imyororokere no kurinda imisambi (Inyoni bamwe bita Nyiramisambi) igaragaraho kugenda izimira mu rusobe rw’ibinyabuzima.

Olivier Nsengimana washimiwe kurengera no kwita ku misambi yo mu Rwanda

Umusambi ufatwa nk’ikimenyetso cy’ubukungu no kuramba mu muco nyarwanda.

Mu itangazo ryashyizwe ahagaragara, Rebecca Irvin ukora muri Rolex yagize ati “Nyuma yo kubona umubare munini w’abapigana uyu mwaka, twishimiye kubatangariza abatsinze ndetse no kubashyigikira mu rwego rwo gukomeza imirimo yabo myiza.”

Ubuyobozi bwa Rolex buvuga ko abatoranijwe bari munsi y’imyaka 30 cyangwa batayirengeje; hakaba haribanzwe ku kamaro ibikorwa byabo bifitiye rubanda ndetse no kurinda ibidukikije tutibagiwe no guteza imbere ubushakashatsi.

Mu bandi bahembwe harimo Neeti Kailas, w’imyaka 29 akaba akomoka mu Buhinde, akaba ashishikajwe no gufasha impinja zivuka zifite ubumuga bwo kutumba; aha akaba yarakoze akuma gahendutse gafasha abo bana ndetse akaba ashaka no gushyiraho ihuriro ry’abaganga babasha gusuzuma no kuvura indwara yo kutumva mu Buhinde.

Umuhinde Neeti-Kailas wiyemeje kurwana ku bavuka bafite ubumuga bwo kutumva

Umutaliyani Francesco Sauro, w’imyaka 29, wahembwe akaba akora ubushakashatsi ku rutare ruherereye muri Amerika y’Amajyepfo rukaba rugaragara ku mupaka wa Venezuela na Brazil. Bikazafasha mu buvumbuzi bw’aheza nyaburanga h’isi hashigajwe inyuma.

Francesco Sauro ukora ubushakashatsi ku rutare ruherere muri Amerika y'Epfo

Umunya-Cameroun Arthur Zang, w’imyaka 26, nawe ari mubatsinze kubera guhanga uburyo bufasha abakozi mu by’ubuzima kohereza ibisubizo by’ibizami ku ndwara y’umutima; bikoherezwa impuguke ku mikorere y’umutima hakoreshejwe Telefoni ngendanwa.

Umunya-Cameroun Arthur-Zang wavumbuye uburyo bwo gutanga ibisubizo ku ndwara y'umutima

Hosam Zowawi, w’imyaka 29, ukomoka muri Saudi Arabia we yahembewe kuba ari gukora igipimo kivumbura udukoko tudahangarwa n’imiti dutera gucika intege ku mubiri, ndetse akaba anateganya gutangiza ubukangurambaga aburira abantu bakoresha cyane imiti ya Antibiotic.

Igihembo cya Rolex gihabwa ba rwiyemezamirimo cyatangijwe mu 1976 kikaba gihemba abantu bagaragaza udushya. Gihabwa ibitsina byombi nta kuvangura, ugihatanira apfa kuba ibikorwa bye bigaragara mu nzego zirimo, Siyansi n’ubuzima, ikoranabuhanga, ibidukikije, ubushakashatsi n’ubuvumbuzi n’umurage ndanagamuco.


Kwamamaza

ANDIKA ICYO UTEKEREZA KURI IYI NKURU

Izina

Email


IBITEKEREZO

ANDI MAKURU

2015 ©. All rights reserved