Havumbuwe inzovu ngufiya mu buryo butangaje ku Isi

0 7-01-2014 - saa 18:53, IGIHE

Muri Sri Lanka havumbuwe inzovu ntoya ku Isi hose yabaye igikuri mu buryo butandukanye n’ubusanzweho ku zindi nzovu.
Iyi Nzovu iba muri Pariki Nasiyonali ya Udawalawe muri Sri Lanka. Ni ingabo ifite uburebure bwa metero imwe n’igice (m1,5) mu gihe ubusanzwe inzovu byibura iba ipima hejuru ya metero eshatu (m3).
Iyi nzovu ifite ibice byose nk’iby’izindi Nzovu zisanzwe, ariko ntibikunze kubaho ko inzovu yangana gutyo kandi ari nkuru inashaje.
Ubushakashatsi bwakozwe n’abashakashatsi (...)

Muri Sri Lanka havumbuwe inzovu ntoya ku Isi hose yabaye igikuri mu buryo butandukanye n’ubusanzweho ku zindi nzovu.

Iyi Nzovu iba muri Pariki Nasiyonali ya Udawalawe muri Sri Lanka. Ni ingabo ifite uburebure bwa metero imwe n’igice (m1,5) mu gihe ubusanzwe inzovu byibura iba ipima hejuru ya metero eshatu (m3).

Iyi nzovu ifite ibice byose nk’iby’izindi Nzovu zisanzwe, ariko ntibikunze kubaho ko inzovu yangana gutyo kandi ari nkuru inashaje.

Ubushakashatsi bwakozwe n’abashakashatsi bakabutangaza mu kinyamakuru Gaja, buvuga ko iyi Nzovu iba muri Pariki Nasiyonali ya Udawalawe mu majyepfo ya Sri Lanka ishobora kuba yarahuye n’ikibazo cyo kudakura neza kubera impamvu y’imitere imeze nko kumugara (nanisme).

Iyi nzovu igaragara ko ari nto mu gihagararo, ariko igitangaje ni uko umutwe wayo, amatwi n’umutonzi wayo bigaragara nk’iby’inzovu isanzwe ikuze. Ingano yayo n’amaguru yayo byo biyigaragaraza nk’iki ntoya kuko ari bito cyane.

Urubuga rwa maxisciences dukesha iyi nkuru, ruvuga ko ubusanzwe inzovu zo muri Aziya ziba zitangana n’izo muri Afurika, gusa ngo iyi yo iratangaje kuko itanangana byibura n’ingano y’iyo muri Aziya iba ari ntoya itaraba ubukombe kandi ikuze bigaragara kuko irangwa n’amahane akunze kuranga inzovu z’ingabo zikuze.

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza