Umurenge wa Kigarama wiyemeje kwegukana imodoka

0 18-12-2013 - saa 15:08, Nsabimana Emile

Mu rwego rwo kwimakaza isuku mu Banyarwanda, Polisi y’igihugu yashyize ahagaragara imodoka izahabwa umurenge uzagaragaza ubudahangarwa mu kwimakaza isuku mu Mujyi wa Kigali, Umurenge wa Kigarama ukaba ukomeje urugamba rwo guhatanira iyi modoka.
Nk’uko no mu yindi mirenge mu Mujyi wa Kigali bimeze, Umurenge wa Kigarama uherereye mu Karere ka Kicukiro ukomeje guhatanira iyi modoka. Mugisha Yves ushinzwe isuku muri uyu murenge avuga ko babona nta cyababuza uyegukana bagendeye ahanini ku (...)

Mu rwego rwo kwimakaza isuku mu Banyarwanda, Polisi y’igihugu yashyize ahagaragara imodoka izahabwa umurenge uzagaragaza ubudahangarwa mu kwimakaza isuku mu Mujyi wa Kigali, Umurenge wa Kigarama ukaba ukomeje urugamba rwo guhatanira iyi modoka.

Nk’uko no mu yindi mirenge mu Mujyi wa Kigali bimeze, Umurenge wa Kigarama uherereye mu Karere ka Kicukiro ukomeje guhatanira iyi modoka. Mugisha Yves ushinzwe isuku muri uyu murenge avuga ko babona nta cyababuza uyegukana bagendeye ahanini ku bikorwa by’isuku abaturage bamaze kugeraho muri uyu murenge.

Muri ibyo bikorwa harimo gutunganya imihanda ihuza Kigarama n’indi mirenge ndetse hanasigwa irangi ry’umukara n’umweru ku nkengero z’umuhanda mu rwego rwo guha isura nziza umujyi, gutunganya ubusitani hirya no hino, gukangurira abaturage kwita ku isuku n’ibindi.

Kugira ngo imodoka itahe muri uyu murenge bakora isuku uko bwije n'uko bucyeye
Ibyapa bikangurira abantu kugira isuku byashyizwe aho abatuye uyu murenga babona

Mugisha yavuze ko mu rwego rwo gushaka uburyo batsindira iyi modoka bahuguye abashinzwe gutwara imyanda yakusanyijwe mu ngo, n’uburyo bakora iki gikorwa neza uko bikwiye kuko biri muri bimwe bituma imirenge myinshi itsindwa. Ati ‘Ubuyobozi bw’Umurenge wa Kigarama bwabahaye ubumenyi bw’ibanze kuri iyo mirimo bunabafasha uko kwirinda indwara no gutanga serivisi nziza ku baturage.

Kugenzura uko imirenge ihagaze mu kwimakaza isuku biteganyijwe kuri uyu wa Gatatu tariki ya 18 Ukuboza 2013, iri rushanwa rikaba rikorwa ku rwego rw’Umujyi wa Kigali.

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza