Nta wukwiye kubaka adafite ubushobozi bwo gufata amazi ahitana abantu agateza Ibiza

0 20-12-2013 - saa 17:12, Nsabimana Emile

Ikigo cy’igihugu gishinzwe kubungabunga ibidukikije (Rwanda Environment Management Authority-REMA), gitangaza ko bidakwiye ko umuntu ahabwa uburenganzira bwo kubaka atagaragaje ubushobozi bwo kubaka ibigega bifata amazi y’imvura. Iki kigo gitangaza ko buri wese mu igenamigambi rye akwiye kwita ku kibazo cy’amazi y’imvura apfa ubusa ugasanga yangiriza abantu, icyo kikaba ari cyo kibazo kigomba gushakirwa umuti.
Dr. Rose Mukankomeje, umuyobozi wa REMA, atangaza ko buri wese akwiye kugira (...)

Ikigo cy’igihugu gishinzwe kubungabunga ibidukikije (Rwanda Environment Management Authority-REMA), gitangaza ko bidakwiye ko umuntu ahabwa uburenganzira bwo kubaka atagaragaje ubushobozi bwo kubaka ibigega bifata amazi y’imvura. Iki kigo gitangaza ko buri wese mu igenamigambi rye akwiye kwita ku kibazo cy’amazi y’imvura apfa ubusa ugasanga yangiriza abantu, icyo kikaba ari cyo kibazo kigomba gushakirwa umuti.

Dr. Rose Mukankomeje, umuyobozi wa REMA, atangaza ko buri wese akwiye kugira ikigega gifata amazi akomoka aho atuye, buri wese wubaka ntabe yahabwa uburenganzira bwo kubaka adafire ibigega bifata amazi akomeje kuba ikibazo mu gihe cy’imvura ugasanga yangiza akanica abantu.

Amazi yo ku nzu atafashwe ateza ibiza nk'iki
Abantu bajya bakurwa mu ngo zabo n'amazi yaturutse ku bubatse batayitayeho

Avuga ko mu gihe umuntu umuntu yatse inguzanyo agomba kongeraho n’amafaranga y’ibigega by’amazi. Imyubakire ituma ahantu hose hashyirwa isima, ubutaka bwose bugapfukwa n’isima, amatafari n’amabuye mu ngo na byo bikagabanywa kuko hakenewe ibyatsi n’ibiti bifata amazi, bityo amazi yose ntatembe kuko aba akeneweho kwinjira mu butaka agafasha ibimere gukura no kurinda ubutayu.

Aya mazi iyo yinjiye mu butaka bwiza burimo ibiti n’ibyatsi aribika agafasha ibiti n’ibyatsi (ibimera) gukura, bigatanga umwuka mwiza kandi akazatanga indi mvura mu gihe iyo atayobowe neza ateza imyuzure akica imyaka.

Benshi mu baganiriye na IGIHE badutangarije ko amazi y’imvura apfa ubusa ari menshi cyane, mu gihe cy’izuba ugasanga imyaka yuma kubera kubura amazi yo kuyivomerera. Bityo ngo kugira umuco wo gufata amazi ava ku nzu zabo agakoreshwa imirimo itandukanye yo kumesa, kuvomerera ibihingwa, gukoropa, koza imodoka ku bazifite no kumena mu misarani ku bafite iya kizungu byabagirira akamaro kanini.

Imvura iherutse kugwa amazi yayo yangije byinshi hirya no hino mu gihugu birimo imihanda, inyubako, imirima yo mu bishanga, inatuma abasaga bane bahitanwa n’ibiza yateje. Mu gihe buri muturarwanda ashyize mu bikorwa gahunda yo gufata amazi, byagabanya cyane impanuka n’ibiza bitandukanye biterwa n’imyuzure kuko yajya akoreshwa ibifasha kugera ku iterambere aho gutwara ubuzima bw’abantu.

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza