Umuryango mpuzamahanga wita ku mihindagurikire y’ibihe (IPCC) wagaragaje ko kutita ku bidukikije bizatuma igipimo cy’amazi y’inyanja kiyongera bitewe ni ibikorwa mya muntu mu kwangiza ibidukikije, isi ikugarizwa n’ibibazo by’amapfa n’umwuzure niyo mpamvu buri wese asabwa kubirengera hakagabanuka ibyo byago.
Ibikorwa bya muntu byo kwangiza ibidukikije bituma isi ihura n’ubushyuhe bwinshi buturuka ku gakingirizo k’izuba kagiye kangirika, ubukana bw’izuba bugera ku isi bukarushaho kwiyongera. (...)

Umuryango mpuzamahanga wita ku mihindagurikire y’ibihe (IPCC) wagaragaje ko kutita ku bidukikije bizatuma igipimo cy’amazi y’inyanja kiyongera bitewe ni ibikorwa mya muntu mu kwangiza ibidukikije, isi ikugarizwa n’ibibazo by’amapfa n’umwuzure niyo mpamvu buri wese asabwa kubirengera hakagabanuka ibyo byago.

Ibikorwa bya muntu byo kwangiza ibidukikije bituma isi ihura n’ubushyuhe bwinshi buturuka ku gakingirizo k’izuba kagiye kangirika, ubukana bw’izuba bugera ku isi bukarushaho kwiyongera.

Ibyuka bihumanya ikirere bituma ubushyuhe bwiyongera, bigatera gushonga kw’amasimbi y’ingere z’ubutita bityo amazi y’inyanja akazamuka akarenga inkombe.

U Rwanda kimwe n’ibindi bihugu bya Afurika byugarijwe n’ingaruka z’imihindagurikire y’ibihe. Biteganya ko kugera mu mwaka wa 2050, igipimo rusange cy’ubushyuhe kizakomeza kwiyongera.

Uku kwiyongera ngo kuzatera amapfa n’imyuzure mu Rwanda nk’uko byagaragajwe na raporo ya IPCC. Kubera iyi mpamvu u Rwanda rukaba rusabwa kongera ubushobozi mu guhangana n’ingaruka z’imihindagurikire y’ibihe.

Bimwe mu byakorwa ngo u Rwanda ruhangane n’ibi bibazo byaganiriweho n’abanyamakuru n’abayobozi b’inzego zitandukanye bafite mu nshingano zabo guhangana n’iki kibazo barimo, REMA, Midimar, RNRA, MINIRENA.

DR Mukangamije Rose, umuyobozi mukuru wa REMA, yavuze ko u Rwanda rurajwe ishinga no kwita ku bidukikije hirindwa ibi byago bishobora guteza ikibazo u Rwanda.

Mukangamije yagize ati “U Rwanda twagombye gufata ingamba zo guhangana n’ibi bibazo n’ubwo usanga twitwararika ariko tukabikururirwa n’abandi.”

Urugero yatanze n’aho guverinoma y’u Rwanda yahagurukiye kurwanya ikibazo cy’ubutayu bwavugwaga ko bushobora kuvuka mu Bugesera igatera ibiti ariko muri aka gace imvura ikaba yaragabanutse bitewe n’uko igihugu bituranye kitafasha ingamba zo kwita ku bidukikije.

Muri urwo rugamba kandi ngo mu Rwanda hamaze guterwa amashyamba ku kigero cya 20% ariko mu 2020 , aya mashyamba azaba ageze ku kigero cya 30%.

U Rwanda kandi kimwe n’ibindi bihugu buri mwaka hategurwa umunsi mpuzamahanga w’ibidukikije, aho muri uyu mwaka hari insanganyamatsiko igira iti “Rangurura ijwi, duhangane n’ingaruka z’imihindagurikire y’ikirere amazi atararenga inkombe”.

U Rwanda kandi rwihaye ingamba zikurikira mu rwego rwo guhangana n’ibyuka bihumanya ikirere no guhangana n’ingaruka z’imihindagurikire yacyo.

Zimwe muri zo zirimo gukangurira abantu no kubashishikariza gukoresha neza umutungo kamere, hakoreshwa neza amazi.

Kwirinda imyuka ihumanya ikirere abantu bakoreshwa imodoka rusange zitwara abantu benshi, hanakoreshwa isuzuma ry’imyotsi ikinyabiziga cyohereza mu kirere no gushyigikira kugura no kwinjiza mu gihugu imodoka zidashaje.

Hari kandi gushishikariza abantu gukoresha ifumbire y’imborera,kurwanya isuri, no kunoza ibikorwa n’imiturire hubakwa amazu ashobora guhangana n’imihindagurikire y’ikirere.

Icyumweru cyahariwe kwita ku bidukikije mu Rwanda cyatangiye tariki ya 31 Gicurasi 2014 kizasozwa tariki ya 5 Kamena , hizihizwa umunsi mpuzamahanga w’ibidukikije.

Muri iki cyumweru hagiye hakorwa ibikorwa bitandukanye byo kwita ku bidukikije birimo kurwanya isuri n’ibindi.

[email protected]


Kwamamaza

ANDIKA ICYO UTEKEREZA KURI IYI NKURU

Izina

Email


IBITEKEREZO

ANDI MAKURU

2015 ©. All rights reserved