Nyuma yuko bamwe mu baturiye n’abanyura ku kimoteri rusange kijugunwamo imyanda y’uruvange ituruka mu mujyi wa Huye giherereye ahazwi ku izina ryo mu Rwabayanga, binubira umunuko ugiturukamo, ndetse bakavuga ko bibangamira ubuzima bwabo
Ubuyobozi bw’akarere ka Huye bwo buratangaza bugiye kwimurira iki kimoteri ahandi kuko kibangamiye n’ikigo cy’impuzamyuga mu Ntara y’Amajyepfo (IPRC- South).
Iyo ugeze mu mujyi wa Huye ahubatse isoko rya kijyambere muri uyu mujyi, ukamanuka gato muri metero (...)

Nyuma yuko bamwe mu baturiye n’abanyura ku kimoteri rusange kijugunwamo imyanda y’uruvange ituruka mu mujyi wa Huye giherereye ahazwi ku izina ryo mu Rwabayanga, binubira umunuko ugiturukamo, ndetse bakavuga ko bibangamira ubuzima bwabo

Ubuyobozi bw’akarere ka Huye bwo buratangaza bugiye kwimurira iki kimoteri ahandi kuko kibangamiye n’ikigo cy’impuzamyuga mu Ntara y’Amajyepfo (IPRC- South).

Iyo ugeze mu mujyi wa Huye ahubatse isoko rya kijyambere muri uyu mujyi, ukamanuka gato muri metero zigera kuri mirongo 30, ugera ahubatse irindi soko rushya na ryo rya kijyambere.

Hepfo gato muri metero zitagera ku 10 ahazwi nko muRwabayanga, uhabona ikimoteri ndetse ugasanganirwa n’umunuko uturukamo, isazi n’uruvange rw’imyanda yiganjemo ibisigazwa by’ibibwa bikurura ibisiga nabyo biba bishaka amaronko, akenshi biba binacuranwa n’abana bo ku muhanda.

Umwe mu bo nsanze bahatoragura ibryo mubajije icyo ari gukora hagati kimoteri aransubiza ati “Narimo mbitoraguramo nyine, nk’ibintu by’imyaka birimo, iki byose, ibintu bitandukanye bamenamo hano by’ama ‘boro’”.

Naho bamwe mu bakorera n’abanyura iruhande rw’iki kimoteri dore ko kiri ku nzira, bakivugaho byinshi bakigaragaza nk’intandaro y’indwara mu gihe ubuyobozi butagize icyo bukora.

Umugore umwe yagize ati “Kirabangamye rwose kuko, iyo uhazamutse babicanye (babitwitse) uba wumva binuka”.

Undi mugabo na we yongeyeho ati “Uyu ni umwanda pe! Ahubwo byagutera nk’igituntu, ahangaha tuhaciye imyaka 2 bimeze gutya”.

Icyo ubuyobozi bw’akarere bubivugaho

Jean Pierre Gahamanyi, umukozi w’Ikigo cy’Igihugu cyo Kurengera Ibidukikije REMA muri aka karere avuga ko hari gahunda yo kwimura iki kimoteri dore ko nawe yemeza ko kibangamiye ubuzima bw’abahaturiye n’abahanyura.

Gahamanyi yagize ati “Aho ikimoteri kiri gikikijwe n’inyubako; yaba inyubako z’amasoko zuzuye muri Huye, ariko cyne hakaba n’ikigo cya IPRC (cyigisha imyuga) kiri haruguru yacyo kandi gifite imishinga myinshi yo kwaguka, akaba ariyo mpamvu turi gushaka uko twakorana n’ikimoteri cya Nyamagabe mu gihe icya Huye kitaruzura, imyanda ikaba yatwarwayo”.

Mu bushakashatsi bwakozwe na REMA mu mwaka wa 2007, bwagaragaje ko mu Mujyi wa Kigali gusa hari toni zisaga 500 z’imyanda y’uruvange.

Iki kigo gigasaba ko hakwiye kujya hatandukanywa imyanda ibora n’itabora, kuko iyo ari uruvange bishobora gukurura indwara ndetse bikabangamira na gahunda yo kubyaza imyanda umusaruro.


Kwamamaza

ANDIKA ICYO UTEKEREZA KURI IYI NKURU

Izina

Email


IBITEKEREZO

ANDI MAKURU

2015 ©. All rights reserved