Minisiteri y’Umutungo Kamere (MINIRENA) ku bufatanye na Minisiteri y’Uburezi hamwe n’Ihuriro ry’amashami y’umuryango w’abibumye, birimbanyije gahunda yo gushyiraho ikigo cy’icyitegererezo (Center of Excellence) kigamije kongera ubumenyi bwo kurinda urusobe rw’ibinyabuzima n’umutungo kamere.
Mu nama yahuje abakozi b’izi Minisiteri, umuyobozi w’ihuriro ry’amashami ya Loni (One UN) n’abashakashatsi ku bidukikije, hagaragajwe ko hakiri byinshi bigikenewe kugira ngo iki kigo gikorere Abanyarwanda n’ibihugu (...)

Minisiteri y’Umutungo Kamere (MINIRENA) ku bufatanye na Minisiteri y’Uburezi hamwe n’Ihuriro ry’amashami y’umuryango w’abibumye, birimbanyije gahunda yo gushyiraho ikigo cy’icyitegererezo (Center of Excellence) kigamije kongera ubumenyi bwo kurinda urusobe rw’ibinyabuzima n’umutungo kamere.

Mu nama yahuje abakozi b’izi Minisiteri, umuyobozi w’ihuriro ry’amashami ya Loni (One UN) n’abashakashatsi ku bidukikije, hagaragajwe ko hakiri byinshi bigikenewe kugira ngo iki kigo gikorere Abanyarwanda n’ibihugu bigize umubande w’akarere ka Afurika y’i Burasirazuba no hagati (Albertine Rift Valley).

Ibi byagezweho nyuma y’igitekerezo cya Perezida Kagame cyo gushinga ikigo gishinzwe kurengera urusobe rw’ibinyabuzima n’umutungo kamere mu nama mpuzamahanga ya mbere yabaye ku ya 23 Nyakanga 2007 i Kigali, yigaga ku kurinda urusobe rw’ibinyabuzima n’umutunngo kamere ku buryo burambye.

Muri iyi nama Perezida Kagame yasabye ko hakwiye kubakwa ikigo cy’icyitegererezo cyo kwita ku rinda urusobe rw’ibinyabizima, bikurikirwa n’uko ibiro bya perezidansi byasabye Ishami ry’Umuryango w’Abibumbye rishinzwe guteza imbere uburezi n’umuco (UNESCO) gutanga ubufasha mu gushyiraho iki kigo, rikaba ryarahereye icyo gihe ari umufatanyabikotwa.

Lamin Manneh, Ukuriye One UN mu Rwanda yagize ati the yagize ati, “ Ni inshingano zacu nka Loni gutera inkunga iyi gaunda ifasha abagenerwabikorwa kongera no gukorasha ubumenyi ku kurinda urusobe rw’ibinyabuzima n’umutungo kamere mu guharanira iterambere rirambye”.

Hagaragajwe ko inkunga yatanzwe na One UN idahagije kuko inyigo yakozwe mu 2011 yerekanye ko kugira ngo iki kigo kibe intangarugero mu karere hagikenewe miliyoni esheshatu z’amadolari ya Amerika, hakaba hakiri gushakishwa uburyo butandukanye ayo mafaranga yaboneka ku bufatanye n’abaterankunga.

Umuyobozi mukuru ushinzwe ubushakashatsi, ubumenyi n’ikoranabuhanga muri Minisiteri y’Uburezi, Dr Marie Christine Gasingirwa, yashimangiye ko iki kigo cyitezweho gufasha ibihugu by’Akarere nk’u Rwanda, u Burundi, Tanzania, Uganda na Zambia byiyongeraho na Repubulika iharanira Demokarasi ya Congo.

Yagize ati “Turabizi ko urusobe rw’ibinyabuzima ari ryo pfundo rya serivisi zose z’ubuzima. Tubura ubushobozi bwo guhanga udushya iyo tutabungabunze cyangwa ngo turinde twitonze ubutunzi karemano”.

Yakomeje ashimira One UN ku bwitange yagize mu gukomeza gufasha umushinga wo kubaka iki kigo cyitezweho guhindura byinshi mu bumenyi ku bijyanye n’urusobe rw’ibinyabuzima n’umutungo kamere.

Uyu mushinga witezweho kuzamura urwego rw’ubushakashatsi n’uburezi no gusangira amakuru ajyanye no kurinda ibinyabuzima n’umutungo kamere mu Rwanda no mu karere.


Kwamamaza

ANDIKA ICYO UTEKEREZA KURI IYI NKURU

Izina

Email


IBITEKEREZO

ANDI MAKURU

2015 ©. All rights reserved