Gukubura mu muhanda no gutoragura imyanda yajugunywe n’abagenzi mu Mujyi wa Kigali ni akazi gaciriritse, ariko gafite runini isura y’u Rwanda. Abashyitsi barwo bataha baririmba isuku y’Umujyi wa Kigali. Abakora aka kazi, kabahemba amafaranga y’u Rwanda 28,000 ku kwezi, bishimira ko uku gukora isuku mu Mujyi wa Kigali nyuma yo kuba bibatunze binabatera ishema kuko ari byo bituma u Rwanda ruhora rwamamara nk’igihugu gifite umujyi usukuye muri Afurika
Uwimana Jacqueline w’imyaka 26, umwe mu (...)

Gukubura mu muhanda no gutoragura imyanda yajugunywe n’abagenzi mu Mujyi wa Kigali ni akazi gaciriritse, ariko gafite runini isura y’u Rwanda. Abashyitsi barwo bataha baririmba isuku y’Umujyi wa Kigali.

Abakora aka kazi, kabahemba amafaranga y’u Rwanda 28,000 ku kwezi, bishimira ko uku gukora isuku mu Mujyi wa Kigali nyuma yo kuba bibatunze binabatera ishema kuko ari byo bituma u Rwanda ruhora rwamamara nk’igihugu gifite umujyi usukuye muri Afurika

Uwimana Jacqueline w’imyaka 26, umwe mu bakora aka kazi. Afite abana batatu. Buri gitondo azinduka saa kumi na mirongo ine n’itanu, aturuka ahitwa Gashara, hirya gato ya Rwarutabura (Nyamirambo) akaza muri Nyarugenge, aho afata umweyo agakubura nk’akazi ahemberwa ku kwezi. Atangira akazi saa kumi n’ebyiri za mu gitondo agataha saa cyenda z’igicamunsi.

Muri aka kazi k’isuku, Uwimana avuga ko kamuha amafaranga yo gutunga abana be; haba mu kubahahira, kubambika, n’ibindi akenera mu buzima bwa buri munsi. Usibye ibyo anezezwa no kugira uruhare mu gutuma igihugu cye gikundirwa isuku.

Yagize ati “Iteka iyo hagize uvuga kuri iyo ngingo y’uko Kigali ari umujyi mwiza urangwa n’isuku, muri njye numva ngize ishema ry’akazi nkora, niho mvana utwambaro tw’abana, ibirayi mbagaburira n’ibindi ariko na none aka kazi niko gatuma ba mukerarugendo bashima umujyi wacu, ejo n’ejo bundi bakazagaruka.”

Mukandora w’imyaka 58 we avuga ko kera yaterwaga isoni n’aka kazi akigatangira.
IGIHE yamusanze ari mu busitani mu muhanda.

Tuganira yavuze ko nyuma y’igihe akora aka kazi yasanze gusuzugura umurimo ari bibi, Mukandora ati “Nta muntu ugomba ugomba gusuzugura akazi ni bibi. Njye nza muri ibi byo gukubura numvaga bizajya bintera ipfunwe kubonwa n’abantu nkubura mu muhanda, ariko naje gusanga ahubwo biri mu biduhesha ishema nk’Abanyarwanda, ubu ngakora ngakunze.”

Yongeraho ati “Iyo numvise hari abashima igihugu cyanjye ko ari cyiza, numva ari agaciro ku murimo dukora, natwe burya duhita twiha amanota.”

Abakora aka kazi benshi ni abagore bakubura, bagatoragura uducupa, ibipapuro n’indi myanda inyuranye.

Mu basukura umujyi wa Kigali kandi harimo n’abagabo na bo basibura imiferege iri mu nkengero z’imihanda, abandi bagatwara imyanda aho yabugenewe, abatera ubusitani n’indi mirimo y’isuku ikenera ingufu z’abagabo.


Kwamamaza

ANDIKA ICYO UTEKEREZA KURI IYI NKURU

Izina

Email


IBITEKEREZO

ANDI MAKURU

2015 ©. All rights reserved