U Bufaransa: Abanyarwanda n’inshuti bifatanyije mu kwizihiza umunsi wo kwibohora (Amafoto)

2 9-07-2017 - saa 18:46, Karirima A. Ngarambe

Abanyarwanda n’inshuti zabo i Paris mu Bufaransa bizihije ku nshuro ya 23 umunsi wo kwibohora k’u Rwanda, kuwa Gatandatu tariki ya 8 Nyakanga 2017.

Uyu munsi ukomeye ku Rwanda wizihizwa kuwa 4 Nyakana, mu mpera z’iki cyumweru i Parisi witabiriwe n’Abanyarwanda n’inshuti zabo batuye mu Bufaransa no mu nkengero zacyo, abahagarariye ibihugu byabo muri icyo gihugu , imiryango mpuzamahanga ihakorera n’abandi

Ambasaderi w’u Rwanda mu Bufaransa, Jacques Kabale, yashimiye abahagarariye ibihugu n’imiryango mpuzamahanga bafashe umunsi wabo w’ikiruhuko bakaza kwifatanya n’Abanyarwanda kwizihiza umunsi uzirikanwaho ibikorwa by’indashyikirwa by’inagabo za FPR Inkotanyi zari ziyobowe na Perezida Paul Kagame, zigahagarikaga Jenoside yakorewe Abatutsi, zikagarura amahoro n’ituze mu gihugu.

Yagize ati “Uyu munsi ni igihe cyiza cyo kwibuka intwari zitangiye kugarura amahoro mu Rwanda, ni umunsi kandi dukomeza kwibuka abacu bazize Jenoside yakorewe Abatutsi, twibuka kandi dutekereza abariho n’ abatanze ubuzima bwabo ku rugamba rwo kwibohora.”

Yakomje avuga ko abasore n’inkumi baturutse hirya no hino bayobowe na Gen. Kagame muri icyo gihe bari bafite intego imwe yo kurwanya akarengane kandi babigezeho n’u Rwanda rwongera kugira ijambo mu ruhando rw’amahanga. Assimnagira ko izo ngabo ari izo gushimwa ku gukura u Rwanda mu mwijima n’icuraburindi.

Ati “Muri 1994 u Rwanda ntirwari mu bibazo gusa ahubwo rwari n’igihugu kitazwi gisa n’igikorera mu bwihisho, cyugarijwe n’ubukene cyamunzwe na ruswa n’ibindi, ubugizi bwa nabi, irondamoko nibyo byari byarahawe umwanya mu buzima bwa buri munsi. Uyu munsi duhereye ku buyobozi bwiza n’ibikorwa by’intangarugero biyobowe na Perezida Paul Kagame inzira yakozwe irerekana itandukaniro.”

Nubwo inzira ikiri ndende, Ambasaderi Kabale yavuze ko ubuyobozi bw’igihugu bwiyemeje kandi bukomeje kwerekana ubushake n’inzira iboneye yo gushakira ibisubizo ibibazo byose kugira ngo umunyarwanda yihaze muri byose.

Yanibukije ko iby’ibanze Umunyarwanda abifite birimo ubuvuzi, aho amavuriro agenda yegerezwa abaturage; kwiga ni ibya buri mwana wese nta vangura nk’uko byahozeho; hamwe n’ibindi byinshi bigashyigikirwa n’umutekano usesuye igihugu gifite.

Ibikorwaremezo, imihanda ihuza utrere twose tw’igihugu yariyongereye kandi ikorwa neza bijyanye n’ibihe tugezemo, amashanyarazi aragenda agera hose, umuyoboro wa internet ubu uragera hafi mu gihugu hose.

RwandAir imaze kwagura ingendo no kugura indege nshya, aho ikora ingendo mu bice bitandukanye by’Afurika, muri Aziya, i Burayi yageze i Londres iranitegura vuba kwerekeza i Bruxelles mu Bubiligi.

Hamwe n’ibindi bikorwa Ambasaderi yarondoye byerekana intambwe igihugu kimaze gutera mu bukungu n’izindi nzego, yanabonye guhamagarira “ababyeyi bafite abana mu Bufaransa kubashishikariza kujya mu Itorero kuko bizabafasha kumva neza imiterere n’imikorere n’icyo bakorera igihugu bakomokamo babigizemo nabo uruhare”.

Amb. Kabale yanibukije Abanyarwanda batuye mu Bufaransa ko ku ya 3 Kanama 2017 ari umunsi w’amatora ya Perezida wa Repubulika, abashishikariza kuzitabira amatora ari benshi kuko ari igikorwa cy’Umunyarwanda wese ukunda kandi ushaka kubaka igihugu cye no kugira uruhare mu byemezo bifatwa.

Ambasaderi w’u Rwanda mu Bufaransa, Jacques Kabale
Abahagarariye ibihugu byabo mu Bufaransa bifatanyije n’Abanyarwanda kwizihiza umunsi wo kwibohora
Ibirori by'umunsi wo kwibihora byasusurukijwe n’Itorero Mpore rikorera mu Bufaransa

Amafoto: Karirima A. Ngarambe

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
kayira 2017-07-10 02:03:24

Umukandida Philippe Mpayimana se yageze mu bufaransa gute? ntabwo yiyamamariza mu Rwanda? (ifoto ya 2 n’iya 3 inyuma, uriya useka)

2
JBKayumba 2017-07-09 19:30:48

Turashima Imana yaduhaye Ubuyobozi bwiza kandi bushoboye Nyakubahwa Paul Kagame ari ku I song a bikomeje kubungabunga umutekano n’ibindi bwatugejejeho. Burakarama. Tuzongera tumutore ni cyose Imana yamuduhereye ikomeze kumurinda.

Kwamamaza