Charleroi: Hamuritswe urwibutso rwa Jenoside yakorewe Abatutsi (Amafoto)

1 21-05-2017 - saa 19:40, Karirima A. Ngarambe

Umujyi wa Charleroi mu Bubiligi wifatanyije n’Abanyarwanda kwibuka Jenoside yakorewe Abatutsi, unamurika urwibutso rwa Jenoside yakorewe Abatutsi rwawubatswemo.

Kuri uyu wa 20 Gicurasi Abanyarwanda batuye muri Charleroi bahuriye mu muhango wo kwibuka Jenoside, witabiriwe na Madame Echevine Francoise Despremont wungirije Umuyobozi mukuru w’Umujyi wa Charleroi; Ambasaderi w’u Rwanda mu Bubiligi, Olivier Nduhungirehe; Perezida wa Ibuka-Mémoire & Justice, Déo Mazina; Pulcherie Nyinawase uyobora Diaspora nyarwanda mu Bubiligi; Desir Rwamfizi uyobora Diaspora nyarwanda mu Karere ka Charleroi; Abanyarwanda baturutse hirya no hino mu Ntara zigize u Bubiligi n’inshuti zabo.

Umuhango watangijwe no kumurika urwibutso rwa Jenoside yakorewe Abatutsi mu busitani buhereye mu mujyi rwagati wa Charleroi, ahitwa Parc Reine Astrid. Muri ubu busitani burangwa n’izindi nzibutso zahashyizwe zijyane n’amateka akomeye yabaye mu bihe by’intambara y’Isi akagira ingaruka ku baturage batuye uyu mujyi.

Nyuma y’uyu muhango igikorwa cyo kwibuka Jenoside yakorewe Abatutsi cyakomereje mu nzu y’ubuyobozi bw’Umujyi wa Charleroi, hatangiwe ibiganiro n’ubuhamya kuri Jenoside yakorewe Abatutsi.

Amb. Nduhungirehe yashimiye cyane amashyirahamwe y’abacitse ku icumu yakomeje gukora ibishoboka byose ngo uru rwibutso rushyirwe muri uyu mujyi, ati “ Mu izina rya Ambasade y’u Rwanda muri abo gushimirwa, kandi iki gikorwa kibababere ikimenyetso cyo gukomeza gukorera hamwe no guha agaciro abishwe bazira uko bavutse n’ibitekerezo byabo.”

Madame Echevine Francoise Despremont wari uhagarariye Umujyi wa Charleroi yavuze ko gushyiraho urwibutso muri uyu mujyi ari ikimenyetso gikomeye cyo kwereka Isi ko Jenoside yakorewe Abatusi amahanga arebera ntagire icyo akora.

Yanakomeje abarokotse Jenoside ati “Uru rwibutso ni ikimenyetso cy’ubufatanye bwacu namwe mwarokotse iyi Jenoside kandi umujyi wa Charleroi uzakomeza kubaba hafi.”

Uhagarariye Umuryango Ibuka-Belgique, Mazina Déo, yashimiye abitabiriye uyu muhango, avuga ko bigomba gukorwa kuko kwibuka, gutanga ubuhamya ari imwe mu ntwaro yo gukora ngo abazabakomokaho batazahura n’amateka nk’ayo u Rwanda rwanyuzemo.

Mazina yanashimiye kuba abitabiriye baraturutse mu ntara nyinshi zo mu Bubiligi.

Ku mugoroba wo kuri uyu wa Gatandatu, umuhango umuhango wo kwibuka wakomereje ahitwa «Centre CEME, rue des Français 147, 6020 Dempremy, naho hatangiwe ubuhamya bunyuranye kugeza mu gicuku biherekejwe n’indirimbo zo kwibuka n’umuhango w’igicaniro.

Ijambo rya Ambasaderi Olivier Nduhungirehe mu muhango w’imurikwa ry’urwibutso rushya:

Echevine Francoise Despremont wungirije Umuyobozi mukuru w’Umujyi wa Charleroi na Ambasaderi w’u Rwanda mu Bubiligi, Olivier Nduhungirehe bashyira indabo ku rwibutso
Desir Rwamfizi uyobora Diaspora nyarwanda mu Karere ka Charleroi
Urwibutso rwa Jenoside yakorewe Abatutsi muri Mata 1994 rwashyizwe mu busitani bwitwa Parc Reine Astrid
Bamwe mu Banyarwanda bitabiriye umuhango wo kwibuka muri Charleroi
Ambasaderi w’u Rwanda mu Bubiligi, Olivier Nduhungirehe
Ambasaderi w’u Rwanda mu Bubiligi, Olivier Nduhungirehe
Madame Echevine Francoise Despremont wungirije Umuyobozi mukuru w'Umujyi wa Charleroi
Omar Ntagengwa wayoboye imihango ubwo yatangizaga ibiganiro mu nzu y'ubuyobozi bw'Umujyi wa Charleroi
Perezida wa Ibuka-Mémoire & Justice, Déo Mazina
Echevine Francoise Despremont wungirije Umuyobozi mukuru w’Umujyi wa Charleroi yahaye Ambasaderi w’u Rwanda mu Bubiligi, Olivier Nduhungirehe impano y'ibyanditse ku rwibutso

[email protected]

Amafoto : Karirima Ngarambe & Jessica Rutayisire

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Mugiraneza sylvestre 2017-05-22 02:34:13

Urwibutso rurimo imibiri yazize jenocide yakorewe abatutsi1994 rugomba gufatwa neza

Kwamamaza