Amb. Nduhungirehe yagaragaje ko urugamba rwo kwibohora rwahagaritse akarengane kenshi

1 10-07-2017 - saa 12:23, Karirima A. Ngarambe

Ambasaderi w’u Rwanda mu Bubiligi, Nduhungirehe Olivier, yabwiye Abanyarwanda n’inshuti zabo mu Bubiligi ko Ingabo za FPR Inkotanyi na Perezida Paul Kagame wari uziyoboye ari abo gushimirwa kuko zahagaritse Jenoside, zikanakuraho akarengane kenshi kariho mu gihe cy’ubutegetsi bubi.

Abanyarwanda n’inshuti zabo baba mu Bubiligi bifatanyije kwizihiza ku nshuro ya 23 umunsi wo kwibohora, kuwa 7 Nyakanga 2017.

Ambasaderi Nduhungirehe yibukije ko itariki ya 4 Nyakanga ari iyo kwishima, kuko ariwo munsi Ingabo za FPR Inkotanyi zari ziyobowe na Perezida Paul Kagame zahagaritse Jenoside yakorerwaga Abatutsi; ariko ukaba na none umunsi wo kongera kubunamira n’abasirikare bitanze babohora igihugu.

Uretse guhagarika Jenoside, Amb. Nduhingirehe yibukije ko urugamba rwo kubohora igihugu rwanakuyeho ihohoterwa n’ivangura ryakorerwaga ibice bimwe by’Abanyarwanda.

Yagize ati "Tariki 4 Nyakanga 1994 Abatutsi n’abandi Banyarwanda barokowe muri Jenoside ; abagore, urubyiruko, Abayisilamu n’abandi bari barasigajwe inyuma n’amateka n’abafite ubumuga bakijijwe ingoma ya politiki yabahezaga."

Nyuma ya Jenoside, u Rwanda ruratera imbere mu nzego zose ku buryo bugaragara ; Nduhungirehe yatanze urugero rw’ingendo za RwandAir zigenda ziyongera kugeza n’aho mu minsi mike izatangira kugera no mu Bubiligi.

Nta hezwa mu burezi rikiriho, uwo ari we wese bibaye ngombwa ashobora no kujya kwiga mu mahanga. Byongeye Ambasaderi anavuga ko ubu buri Munyarwanda wese n’ababa mu mahanga ari bamwe.

Nubwo urugamba rw’amasasu rwarangiye, Nduhungirehe yibukije ko Abanyarwanda bagifite umukoro wo kurwana urw’iterambere.

Yagize ati "Nk’uko Perezida wa Republika yabivuze, kwibohora ntibirarangira kuko tugomba kwibohora n’ingaruka z’ubuyobozi bubi twagize. Tugomba guhaguruka tukarwanya ubukene, imfashanyo z’ibihugu byo hanze, urwangano, ingengabitekerezo n’ubuyobozi bubi muri Afurika."

Yakomje avuga ko kugira ngo bigerweho Abanyarwanda biyemeje gukomeza kubaka ubumwe, umutekano bayobowe n’abayobozi beza. Yaboneyeho no kubahamagarira nk’ababa muri Diaspora kuzitabira amatora ya Perezida wa Repuburika, kuwa 3 Kanama.

Ambasaderi w’u Rwanda mu Bubiligi, Nduhungirehe Olivier ageza ijambo ku Banyarwanda n'Abanyamahanga bitabiriye ibirori by'umunsi wo kwibihora
Abanyarwanda n'inshuti zabo bitabiriye ibiro by'umunsi wo kwibohora k'u Rwanda

Amafoto : Jessica Rutayisire

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Uwayo 2017-07-10 06:19:22

Ariko njya nibaza ibihugu byose umunsi w’ubwigenge aho bifite ambassade. Hose bikora ibirori? Ndumva kubera mu gihugu biba bihagije kuko nkeka ko aho bibera hose hagendera akayabo kandi hari aho ayo mafaranga yakoreshwa mugufasha mu iterambere mugihugu. Murakoze

Kwamamaza