Washington: Abanyarwanda n’inshuti zabo bibutse Jenoside yakorewe Abatutsi

1 27-04-2017 - saa 17:13, IGIHE

Abanyarwanda n’inshuti zabo bo mu Mujyi wa Seattle i Washington bitabiriye igikorwa cyo kwibuka ku nshuro ya 23 Jenoside yakorewe Abatutsi, kuwa 22 Mata17.

Bakoze urugendo rwo kwibuka, banagira ibiganiro bigaruka ku mateka ya Jenoside,
mu muhango wabereye ku rusengero rwa ba Presbyterian.

Uhagarariye Diaspora Nyarwanda muri Washington, Emmanuel Muvunyi, yibukije abari aho ko ubwicanyi bwakorewe Abatutsi bwari indengakamere kandi bwakozwe n’Abanyarwanda ubwabo.

Kubw’ibyo, Muvunyi yibukije ko Abanyarwanda ko ari bo ubwabo bagomba kongera kwishakamo ibisubizo byo guhangana n;ingaruka basigiwe na Jenoside yakorewe Abatutsi.

Yavuze ko bibabaje kubona hari abagikomeje guhohotera abacitse ku icumu, aboneraho no gusaba intumwa ya Ambasade ko umutekano w’abacitse ku icumu uhangayikishije buri munyarwanda wese kandi ko leta ikwiriye kongera ingamba zo kubikumira no guhana yihanukiriye ababigaragaramo.

Yashimiye Abanyarwanda batuye muri Leta ya Washington, anabasaba gukomeza gushyira hamwe mu kurwanya ingengabitekerezo ya Jenoside ikomeje kugenda igaragara, kuko ari nabyo byatuma ibyabaye bitazongera kubaho ukundi.

Abandi banyacyubahiro ndetse n’inshuti zu Rwanda babashije kwifatanya n’Abanyarwanda muri iki gikorwa cyo kwibuka harimo "Carl Wilkens", Umunyamerika wavuzweho ubutwari bwo kwanga gusiga abakozi be mu gihe cya Jenoside kugira ngo abarinde batabica akaba n’umwanditsi w’igitabo kizwi cyane yise "I AM NOT LEAVING", kivuga ku mateka n’inzira yibizazane yahuye nayo muri Jenoside yakorewe Abatutsi. Uyu yanatanze ikiganiro ku cyicaro gikuru cy’Umuryango w’Abibumbye i New York igihe bibukaga ku nshuro ya 23 Jenoside yakorewe Abatutsi.

Mu butumwa yatangiye i Seattle, Carl Wilkens yababwiye ko ibyo yiboneye n’amaso ari ubunyamasawa bw’abantu yarasanzwe azi, ashimira abacitse ku icuma intambwe bamaze kugeraho. anasaba abantu bose kurwanya ikintu cyose cyazatuma amahano nkayo yongera kuba ahariho hose ku isi.

Abanyarwanda n’inshuti zabo muri Seattle i Washington bakoze urugendo rwo kwibuka
Carl Wilkens wanze gutaha iwabo agatabara Abatutsi benshi bahigwaga muri Jenoside
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Charles muhozi 2017-04-27 11:37:16

Wow congrats Chairman Muvunyi,Leadership yawe turayemera.Diaspora China wayisize kumurongo.niyo ya America turizerako uzayongerera ubushobozi.Bene Kanyarwanda musonge Mbere

Kwamamaza