Umunsi nk’uyu mu 1994, Radiyo RTLM yashishikarizaga abahutu gukora Jenoside yasabiwe guhagarikwa burundu bitewe n’ubutumwa bw’urwango yatangazaga.

Bibaho gake kuba Komisiyo ishinzwe gukurikirana imikoreshereze y’imari n’umutungo by’igihugu (PAC) yashima urwego uru n’uru ruba rwayitabye kuko usanga muri rusange inzego ikunda gutumiza ziba zifite uruhuri rw’amakosa mu micungire y’imari ya leta.

Komisiyo y'abadepite ishinzwe gukurikirana imikoreshereze y’imari n’umutungo by’igihugu (PAC) yasohoye igitaraganya Umugenzuzi bwite w’Akarere ka Nyagatare bitewe n’amagambo akarishye yari avuze.

Minisiteri y’Uburezi (Mineduc) yatangaje ko ikeneye miliyari 130 z’amafaranga y’u Rwanda kugira ngo ikemure ikibazo kiyihangayikishije cy’ubucucike buri hejuru mu mashuri, gusa iracyagowe no kubona ubushobozi.

Abadepite bagize Komisiyo ishinzwe gukurikirana imikoreshereze y’umutungo by’igihugu (PAC) babajije abayobozi b’Ikigo cy’Igihugu icyo miliyoni 406 zahawe Ishyirahamwe ry’imikino mu mashuri zakoreshejwe, babura ibisobanuro.

Iyari Minisiteri y’Ubucuruzi, Inganda n’Ibikorwa by’Umuryango w’Afurika y’Iburasirazuba (MINEACOM) yarezwe ko yemeje imishahara y’abakozi itabiherewe uburenganzira na Minisiteri y’Abakozi ba Leta n’Umurimo, bihombya umutungo wa leta.

Ikigo cy’Igihugu gishinzwe Uburezi (REB), cyagize ubwiru nyir’inzu y’ububiko cyakodeshaga miliyoni 16 kibikamo za mudasobwa.

Umunsi nk’uyu mu 1994, Akanama Gashinzwe Umutekano mu Muryango w’Abibumbye katoye umwanzuro 925 wo kongera igihe ingabo za UNAMIR kugeza mu Kuboza 1994 zikiri mu Rwanda.

Visi Perezida wa Komisiyo Ishinzwe gukurikirana imikoreshereze y’imari n’Umutungo by’Igihugu (PAC), Depite Karenzi Théoneste, yabajije Umuyobozi Mukuru w’ Ikigo gishinzwe guteza imbere imyuga n'ubumenyingiro (WDA), Gasana Jérôme niba uruhuri rw’ibibazo mu micungire y’umutungo w’igihugu biri muri icyo kigo bituma aryama agasinzira.

Komisiyo ishinzwe kugenzura imikoreshereze y’imari n’umutungo by’Igihugu (PAC) yanenze bikomeye Ubuyobozi bw’Umujyi wa Kigali bugisha inama Minisiteri y’Ubutegetsi bw’Igihugu butabanje kunyura muri Komite y’Inama Njyanama yawo.

Umunsi nk’uyu mu 1994, FPR Inkotanyi yasabye Akana k’Umuryango w’Abibumbye gashinzwe amahoro ku Isi guhagarika Radiyo rutwitsi RTLM yashishikarizaga Abahutu kwica abatutsi.

Komisiyo ishinzwe gukurikirana imikoreshereze y’imari n’umutungo by’igihugu, ntiyanyuzwe n’ibisobanuro by’ubuyobozi bw’Akarere ka Gicumbi ku cyatumye imifuka ya sima igera kuri 203 yangirikira mu biro by’Umurenge wa Muko mu Karere ka Gicumbi.

Bamwe muri ba rwiyemezamirimo bafitanye amasezerano n’Ikigo gishinzwe amazi, isuku n’isukura (WASAC) yo kubaka imiyoboro y’amazi mu duce dutandukanye tw’igihugu, bagaragarije abadepite bagize Komisiyo ishinzwe gukirikirana imikoreshereze y’imari n’umutungo by’igihugu (PAC) uburyo iki kigo kitubahirije amasezerano bagiranye ntikibishyure bigatuma imishinga idindira.

Ubuyobozi bw’Akarere ka Burera bwabuze icyo buvuga imbere ya Komisiyo y’Inteko Ishinga Amategeko ishinzwe gukurikirana imikoreshereze y’imari ya Leta (PAC) ubwo kabazwaga ibisobanuro ku isoko katanze ry’ibikoresho, aho uwaritsindiye yari yaciye ibiciro biri hasi cyane ku buryo ntaho byaboneka.

Abadepite bagize Komisiyo ishinzwe kugenzura imikoreshereze y’imari n’umutungo by’igihugu mu Nteko Ishinga Amategeko (PAC), bagaragaje uburyo abatekinisiye bakorera ku ruganda rwa nyiramugengeri rwa Gishoma bagaragaje impungenge zo kurwubaka bikirengagizwa.

Inama Njyanama y’Akarere ka Huye yatoye Uwamariya Veneranda kuyobora by’agateganyo Akarere ka Huye nyuma y’aho Komite Nyobozi yako ikuweho icyizere.

Inteko Ishinga Amategeko, Umutwe w’Abadepite, yatoye Itegeko ryerekeye kurwanya iterabwoba, riha ububasha Urwego rw’Igihugu rw’Ubugenzacyaha (RIB) kuzajya rukora urutonde rw’abantu bari mu bikorwa by’iterabwoba.

Umunsi nk’uyu ni bwo uwari Perezida w’inzibacyuho, Sindikubwabo Théodore yandikiye Perezida w’u Bufaransa, François Mitterrand, amushimira inkunga atahwemye guha u Rwanda ndetse amusaba ko yakomeza gutanga ubwo bufasha.

Inama y’Abaminisitiri idasanzwe yateranye kuri uyu wa Gatanu, yirukanye burundu mu bakozi ba Leta, Ntwari Biziyaremye Nathan wari Umuyobozi ushinzwe Ubushakashatsi n’Iterambere ry’Ireme ry’ibitangazwa mu binyamakuru mu Nama Nkuru y’Itangazamakuru (MHC).

Umuryango FPR Inkotanyi watangaje ko mu minsi iri imbere uzatangira gahunda yo gushaka abazawuhagararira mu Nteko Ishinga Amategeko mu matora y’abadepite ateganyijwe muri Nzeri 2018.