Perezida Duterte yasomye umugore utari uwe biteza impagarara

3 4-06-2018 - saa 13:15, Mukaneza M.Ange

Perezida wa Philippines, Rodrigo Duterte, yasomye ku munwa umugore ukomoka muri iki gihugu ariko akaba atuye muri Koreya y’Epfo, igikorwa cyakuruye impaka nyinshi ndetse benshi batangira kumwibasira.

Ibi Duterte yabikoze ubwo yari mu ruzinduko rw’iminsi itatu mu mujyi wa Seoul muri Koreya y’Epfo, aho yahuye ndetse akaganira n’ihuriro ry’abakomoka muri Philippines batuye muri iki gihugu.

Ikinyamakuru Philippines Star cyatangaje ko ubwo yajyaga gutanga igitabo cyitwa ‘Altar of Secrets: Sex, Politics and Money in the Philippine Catholic Church’, Duterte yatangaje ko ari bukigenere umugore uri bwemere kumusoma.

Ati “ Muri bunyishyure binyuze mu kunsoma. Mwiteguye gusomana.”

Uyu mugabo usanzwe uzwiho udushya n’imvugo zidasanzwe ngo yasomye kw’itama umwe mu bagore babiri bari bamusanze aho yari ahagaze, maze undi amusoma ku munwa.

Abari bahegereye bumvise abaza uwo mugore ati “ Uri ingaragu? Ntabwo uratandukana nawe? Ariko ushobora kumubwira ko ibi ari mu buryo bwo gutebya?”

Nubwo iki gikorwa cya Duterte cyatumye akomerwa amashyi n’abari kumwe nawe, kuvuga ko yabikoze mu rwego rwo gushimisha abantu byatumye benshi mu bakoresha imbuga nkoranyambaga bamwibasira bamushinja kudashyigikira uburenganzira bw’abagore no kuba indyarya.

Mu itangazo ryashyizwe ahagaragara, Umuryango Gabriela uharanira uburenganzira bw’abagore muri Philipinnes watangaje ko ibyo yakoze yari agamije guhisha ko akomeje kugenda atakarizwa icyizere n’abaturage kubera ubwicanyi bukorwa nta butabera, ivugururwa ry’amategeko arebana n’imisoro ritakiriwe neza ndetse na ruswa ikomeje kwiyongera ku butegetsi bwe.

Uko gusoma uyu mugore kwa Duterte kandi byamaganiwe kure n’abagiye bashingira ku mateka ye n’amagambo atari meza yagiye avuga ku bagore.

Urugero ni nk’aho muri Gashyantare yabwiye abasirikare ko azatanga itegeko rishya ryo kurasa mu gitsina abagore baba mu mitwe yigometse.

Ariya magambo kandi yaje akurikira andi yari yavuze ku bagore b’abanyamahanga, ahamya ko bafite impumuro itari nziza, ari nacyo cyatumye abasha gukomeza kubera indahemuka Abanyaphilippines kazi bahumura nk’umubavu.

Andi magambo yavuze akababaza abantu nubwo nyuma yaje gusaba imbabazi, ni igihe umuvugabutumwa wo muri Australia witwa Jacqueline Hamill yafatwaga ku ngufu, maze akavuga ko yarakajwe n’ibyamukorewe ariko akababazwa cyane n’uko atari we wabaye uwa mbere kuryamana nawe. Icyo gihe yari akiri meya w’umujyi wa Davao.

Perezida wa Philippines, Rodrigo Duterte, yasomye ku munwa umugore biteza impagarara

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
HABIMANA OLIVIER 2018-06-21 07:45:31

nshakakumenya uburyo umukobga muzashakana ukuntuyitwara?

2
Ali 2018-06-05 17:12:46

Duterete Koko. Izina niryo...

3
Eh 2018-06-05 08:53:05

Hehehehehehehe!!!! Hehehehehehehe!!!! Hehehehehehehe!!!! Hehehehehehehe!!!!
Uhhhh!!!!!!

Kwamamaza