IGIHE

Nomophobia, indwara y’ikinyejana yibasiye benshi

2 14-06-2019 - saa 10:26, Ferdinand Maniraguha

Byashoboka ko umunsi umwe wigeze gutegekwa gusiga telefone runaka wenda ugiye mu nama, ku ishuri cyangwa se ahandi. Buranashoboka ko wenda byakubayeho wayibagiwe.

Niba byarakubayeho umujinya ukakwica, ukumva wabuze amahoro ndetse ukumva ntawe ushaka kuvugisha, umutwe ukakurya ukabura epfo na ruguru witonde, Nomophobia ishobora kuba yarakugezemo.

Wakongera ukanibaza, ese ujya ugera mu rugo ukabanza gucomeka telefone yawe mbere yo gukora ikindi icyo aricyo cyose? Ujya ubyuka mu ijoro hagati ugakoresha telefone? Ubura amahoro iyo telefone yawe igiye gushiramo umuriro? Naho se iyo nta mafaranga ufite muri telefone yawe wumva umeze gute?

Ikinyamakuru, Sha Magazine kivuga ko Nomophobia ari indwara y’ubwoba bwo kubaho udafite telefone yawe. Iri jambo ni igiteranyo cy’amagambo ane y’Icyongereza no-mobile-phone-phobia (Ubwoba bwo kubaho udafite telefone).

Uku kutabasha gukoresha telefone ngendanwa bishobora guterwa n’impamvu zitandukanye harimo kubura umuriro, kuba nta mafaranga ufitemo yo guhamagara cyangwa gukoresha internet, kuba aho uri amategeko yaho atabikwemerera n’ibindi.

Ikizakubwira ko uyirwaye, umunsi uzaba udafite telefone yawe, yashizemo umuriro cyangwa nta mafaranga yo guhamagara na Internet ufite, ukisanga warakaye, umutima utera cyane, byagucanze, uribwa mu nda n’umutwe, kwigunga no kubihirwa n’ibyo urimo.

Ubushakashatsi bwakorewe mu gihugu cy’u Bwongereza mu 2012, bugaragaza ko 66 % by’abakoresha telefone babajijwe bafite indwara ya nomophobia.

Uburyo bwiza bwo kwirinda iyi ndwara ni ukugerageza kwirinda kuba imbata ya telefone yawe. Ibi ushobora kubikora wishyiriraho amasaha uzajya ukoresha telefone no gufunga internet igihe utayikeneye cyane.

Nomophobia ni indwara y’ubwoba bwo kubaho udafite telefone yaw
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Margaret Rouse 2019-07-01 12:34:40

nomophobia

Posted by: Margaret Rouse
WhatIs.com

Nomophobia is the irrational fear of being without your mobile phone or being unable to use your phone for some reason, such as the absence of a signal or running out of minutes or battery power.

A phobia is by definition an irrational fear. In the case of nomophobia, the events that the user fears are not terribly unlikely, so that part of it isn’t irrational. What is irrational is the degree of discomfort the users feel at the thought of being, in effect, separated from their smartphones.

The word nomophobia is a portmanteau made up of no mobile phone phobia. The term was created by YouGov, a research organization based in the United Kingdom. In a 2008 study, researchers reported that 53% of mobile users felt anxious when they were unable to use their mobile phones and over half of users never shut their phones off. Subsequent studies have found that the numbers have increased since then.

2
Mahoko Innocent 2019-06-25 01:10:01

Ahaa Nange numva ntari na phone ntabuzima

Kwamamaza